Шиветсийәдә «уйғур ярдәм фонди җәмийити» қурулди

Ихтиярий мухбиримиз әкрәм
2018-05-01
Елхәт
Пикир
Share
Принт
«Уйғур ярдәм фонди җәмийити» ниң логоси.
«Уйғур ярдәм фонди җәмийити» ниң логоси.
RFA/Ekrem

Шиветсийәдики уйғурларниң бәргән мәлуматиға қариғанда, «уйғур ярдәм фонди җәмийити» намлиқ фонд җәмийәтниң қурулуш мурасими 20-апрел күни шиветсийә пайтәхти ситокһолмда өткүзүлгән.

Игилинишичә, бу муһаҗирәттики уйғурларниң дөләт тәрипидин тәстиқланған тунҗи қанунлуқ ярдәм фонди җәмийити һесаблинидикән. Бу фонди җәмийәткә шиветсийәдә яшаватқан уйғур мойсипитлиридин фәруқ садиқоф әпәнди рәис болуп сайланған. 

Фәруқ садиқоф әпәнди бу һәқтә зияритимизни қобул қилғанда, «уйғур ярдәм фонди җәмийити» ни қуруштики мәқсәт вә униң әһмийити тоғрисида тохтилип өтти. 

Игилишимизчә, «уйғур ярдәм фонди җәмийити» ниң сахавәт вә ианә арқилиқ топлиған иқтисади шиветсийәдики уйғур мәсчитигә, уйғур йетим-йесирлар вә тул аялларға, оқушта қийинчилиқ тартқан оқуғучиларға, шиветсийәдики уйғурларниң маарип, мәдәнийәт, тәнтәрбийә ишлириға һәмдә «уйғур ярдәм фонди җәмийити» ниң тәрәққият ишлириға сәрп қилинидикән. 

«Уйғур ярдәм фонди җәмийити» ниң идарә һәйитидә 13 киши вәзипә тапшуруп алған болуп, 20-апрел өткүзүлгән йиғинда мәзкур җәмийәтниң муавин рәиси вә кассири болуп сайланған уйғур зиялийси ниҗат турғун әпәндиму мәзкур фонди җәмийәт тоғрисида бизни әтраплиқ учурлар билән тәминлиди. 

Уйғур ярдәм фондиниң муавин рәиси абдумәҗид турдийәф әпәнди бу һәқтә тохталғанда, ярдәм фонди топлиған иқтисадниң уйғурларға мунасивәтлик түрлүк хәйр-еһсан ишлириға сәрп қилинидиғанлиқини тилға алди. 

«Уйғур ярдәм фонди җәмийити» 20-апрел чақирған йиғинида, фонди җәмийәтниң рәис, муавин рәислирини, катиплирини, тәшвиқат мәсулини, кассирлирини, мәслиһәтчи вә тәптишлирини демократик сайлам арқилиқ сайлап чиққан.

Пикирләр (0)
Share
Толуқ бәт