Shiwétsiyede "Uyghur yardem fondi jem'iyiti" quruldi

Ixtiyariy muxbirimiz ekrem
2018-05-01
Share
uyghur-yardem-fondi-jemiyiti-logo.jpg "Uyghur yardem fondi jem'iyiti" ning logosi.
RFA/Ekrem

Shiwétsiyediki Uyghurlarning bergen melumatigha qarighanda, "Uyghur yardem fondi jem'iyiti" namliq fond jem'iyetning qurulush murasimi 20-aprél küni shiwétsiye paytexti sitokholmda ötküzülgen.

Igilinishiche, bu muhajirettiki Uyghurlarning dölet teripidin testiqlan'ghan tunji qanunluq yardem fondi jem'iyiti hésablinidiken. Bu fondi jem'iyetke shiwétsiyede yashawatqan Uyghur moysipitliridin feruq sadiqof ependi re'is bolup saylan'ghan. 

Feruq sadiqof ependi bu heqte ziyaritimizni qobul qilghanda, "Uyghur yardem fondi jem'iyiti" ni qurushtiki meqset we uning ehmiyiti toghrisida toxtilip ötti. 

Igilishimizche, "Uyghur yardem fondi jem'iyiti" ning saxawet we i'ane arqiliq toplighan iqtisadi shiwétsiyediki Uyghur meschitige, Uyghur yétim-yésirlar we tul ayallargha, oqushta qiyinchiliq tartqan oqughuchilargha, shiwétsiyediki Uyghurlarning ma'arip, medeniyet, tenterbiye ishlirigha hemde "Uyghur yardem fondi jem'iyiti" ning tereqqiyat ishlirigha serp qilinidiken. 

"Uyghur yardem fondi jem'iyiti" ning idare hey'itide 13 kishi wezipe tapshurup alghan bolup, 20-aprél ötküzülgen yighinda mezkur jem'iyetning mu'awin re'isi we kassiri bolup saylan'ghan Uyghur ziyaliysi nijat turghun ependimu mezkur fondi jem'iyet toghrisida bizni etrapliq uchurlar bilen teminlidi. 

Uyghur yardem fondining mu'awin re'isi abdumejid turdiyef ependi bu heqte toxtalghanda, yardem fondi toplighan iqtisadning Uyghurlargha munasiwetlik türlük xeyr-éhsan ishlirigha serp qilinidighanliqini tilgha aldi. 

"Uyghur yardem fondi jem'iyiti" 20-aprél chaqirghan yighinida, fondi jem'iyetning re'is, mu'awin re'islirini, katiplirini, teshwiqat mes'ulini, kassirlirini, meslihetchi we teptishlirini démokratik saylam arqiliq saylap chiqqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet