Истанбулниң зәйтинбурнудики уйғурлар (2)

Ихтиярий мухбиримиз арслан
2016.10.26
beriket-kiyim-tikish-dukini.jpg

Истанбулниң зәйтинбурнудики бәрикәт кийим тикиш дукини. RFA/Arslan

hekim-eli-uyghur-tebabiti.jpg

Истанбулниң зәйтинбурнудики һеким ели уйғур тебабити. RFA/Arslan

bughraxan-chay-taamliri.jpg

Истанбулниң зәйтинбурнудики буғрахан чай таамлири. RFA/Arslan

qeshqer-ata-miras-qassapxana.jpg

Истанбулниң зәйтинбурнудики қәшқәр ата мирас қассапханиси. RFA/Arslan

Истанбулниң уйғурлар әң көп олтурақлашқан райони болған зәйтинбурнудики уйғурлар билән сөһбәт зиярәт елип бериш давам қиливатиду.

Бүгүн биз нурипаша мәһәллисидә ечилған буғрахан чай таамлири, қәшқәр ата мирас қассап докини, бәрикәт кийим тикиш дукини вә һәким әли уйғур тебабити қатарлиқ орунларни зиярәт қилип сөһбәт елип бардуқ.

Сөһбәт нәтиҗисидә көпинчиси һәр хил бесимға учриғанлиқидин юртлирини ташлап чәтәлгә чиқишқа мәҗбур болғанлиқини билдүрүшти.

Зәйтинбурнуға келип олтурақлишип қалған уйғурлар бу йәргә кәлгәндин кейинму башқиларға еғирчилиқ салмай, өзиниң турмушини өзи қамдашқа тиришмақта. Шуниң үчүн вәтәндә немә кәсип билән шуғулланған болса, мушу йәрдиму шу кәсип билән шуғуллинип иҗтимаий һаятини қамдап өтмәктә. Булардин бири қәшқәр ата мирас қассап дукининиң хоҗайини, у, қәшқәрдә 12 йешидин башлап қассаплиқ қилған болуп, чоң дадисидин башлап үч әвлад қассаплиқ кәспи билән шуғулланған, зәйтинбурнуға кәлгәндин кейин қәшқәр ата мирас қассап докини намида бир дукан ечип, өз кәспи билән шуғуллинип турмушини қамдап келиватқан уйғур муһаҗирлардин биридур. У вәтәндин диний ибадәтлирини җайида қилалмай тосалғуға учриғанлиқи үчүн юртидин айрилип келип зәйтинбурнуда яшап қелишқа мәҗбур болғанлиқини билдүрди.

Биз йәнә бәрикәт кийим тикиш дукининиң хоҗайини обулқасим қари билән сөһбәт елип бардуқ.

Обулқасим қари 12 йил бурун өз юртидин айрилип түркийәгә кәлгәнликини, бу йәрдә кийим тикиш докини ечип уйғурларниң кийим еһтияҗини қамдап келиватқанлиқини билдүрди. У һазир өз юртини вә уруқ-туғқанлирини бәк сеғинғанлиқини, бир күни чоқум қайтип кетип өз юртида хатирҗәм яшаш арзусиниң әмәлгә ешиши үчүн дуа қиливатқанлиқини ипадилиди.

Биз йәнә уйғур дияридин зәйтинбурнуға келип олтурақлишип қалған абдулла исимлик уйғур яш билән сөһбәт елип бардуқ.

Абдуллаһ әпәнди өзиниң диний бесимға учрап түрмидә 6 ай наһәқ ятқанлиқини билдүрди.

Юқиридики авазлиқ улиништин бу һәқтики программимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.