Istanbulning zeytinburnudiki Uyghurlar (2)

Istanbulning Uyghurlar eng köp olturaqlashqan rayoni bolghan zeytinburnudiki Uyghurlar bilen söhbet ziyaret élip bérish dawam qiliwatidu.

Bügün biz nuripasha mehelliside échilghan bughraxan chay ta'amliri, qeshqer ata miras qassap dokini, beriket kiyim tikish dukini we hekim eli Uyghur tébabiti qatarliq orunlarni ziyaret qilip söhbet élip barduq.

Söhbet netijiside köpinchisi her xil bésimgha uchrighanliqidin yurtlirini tashlap chet'elge chiqishqa mejbur bolghanliqini bildürüshti.

Zeytinburnugha kélip olturaqliship qalghan Uyghurlar bu yerge kelgendin kéyinmu bashqilargha éghirchiliq salmay, özining turmushini özi qamdashqa tirishmaqta. Shuning üchün wetende néme kesip bilen shughullan'ghan bolsa, mushu yerdimu shu kesip bilen shughullinip ijtima'iy hayatini qamdap ötmekte. Bulardin biri qeshqer ata miras qassap dukinining xojayini, u, qeshqerde 12 yéshidin bashlap qassapliq qilghan bolup, chong dadisidin bashlap üch ewlad qassapliq kespi bilen shughullan'ghan, zeytinburnugha kelgendin kéyin qeshqer ata miras qassap dokini namida bir dukan échip, öz kespi bilen shughullinip turmushini qamdap kéliwatqan Uyghur muhajirlardin biridur. U wetendin diniy ibadetlirini jayida qilalmay tosalghugha uchrighanliqi üchün yurtidin ayrilip kélip zeytinburnuda yashap qélishqa mejbur bolghanliqini bildürdi.

Biz yene beriket kiyim tikish dukinining xojayini obulqasim qari bilen söhbet élip barduq.

Obulqasim qari 12 yil burun öz yurtidin ayrilip türkiyege kelgenlikini, bu yerde kiyim tikish dokini échip Uyghurlarning kiyim éhtiyajini qamdap kéliwatqanliqini bildürdi. U hazir öz yurtini we uruq-tughqanlirini bek séghin'ghanliqini, bir küni choqum qaytip kétip öz yurtida xatirjem yashash arzusining emelge éshishi üchün du'a qiliwatqanliqini ipadilidi.

Biz yene Uyghur diyaridin zeytinburnugha kélip olturaqliship qalghan abdulla isimlik Uyghur yash bilen söhbet élip barduq.

Abdullah ependi özining diniy bésimgha uchrap türmide 6 ay naheq yatqanliqini bildürdi.

Yuqiridiki awazliq ulinishtin bu heqtiki programmimizning tepsilatini anglaysiler.