Ana til pa'aliyetchisi abduweli ayup ependi nélson mandéla yash rehberlerni terbiyilesh kursigha qatnashti

Uyghur ziyaliysi, ana til pa'aliyetchisi abduweli ayup ependi türkiyening istanbul shehiride ötküzülgen nélson mandéla yash rehberlerni terbiyelesh kursigha qatnashti. Sinanwrén fondi teripidin uyushturulghan mezkur kurs 12-ayning 26-künidin 30-künigiche dawamlashqan bolup, kursqa yawrupa döletliride pa'aliyet élip élip bériwatqan yashlar teshkilatlirining mes'ullirinimu öz ichige alghan 18 dölettin yashlar ishtirak qilghan. Kurs toghrisida tepsiliy melumat igilesh üchün kursni chaqirghan sinanwrén fondining mes'ulliri bilen téléfon söhbiti élip bérishni iltimas qilghan bolsaqmu, ular qobul qilmighandin kéyin, bu pa'aliyetke ishtirak qiliwatqan abduweli ayup ependi we péshqedem pa'aliyetchi ilham toxtini qutquzush guruppisining mes'ulliridin enwer jan ependiler bilen söhbet élip barduq.

Abduweli ayup ependi sinanwrén fondi we mezkur fondining nélson mandéla yash rehberlerni terbiyelesh kursini chaqirishtiki meqsiti heqqide toxtaldi.

Abduweli ayup ependi kursqa 18 dölettin köp sanda yash pa'aliyetchining ishtirak qilghanliqini bayan qildi.

Abduweli ayup ependi 26-dékabir künidin 30-dékabir künigiche istanbulda ötküzülgen nélson mandéla yash rehberlerni terbiyesh kursida ögitilgen mezmunlar toghrisida toxtaldi.

Uyghur ziyaliysi abduweli ayup ependi bu xil kurslarda ögitilgen neziriyelerni Uyghur dewasida ishlitishning muhimliqi toghrisida toxtaldi.

Abduweli ayup ependi Uyghur yashlarning bundaq kurslargha iltimas qilishning yolliri toghrisida toxtaldi.

Ilham toxtining qutquzush guruppisining mes'uli enwer jan ependi bu xil kurslargha qatnishishning dewani yaxshi élip bérish üchün zor ehmiyetke ige ikenlikini bayan qildi.

Türkiyede pa'aliyet élip bériwatqan sinawrén fondi 2011-yili qurulghan bolup, bu ularning ikkinchi qétimliq programmisi iken.