Shiwétsiyediki ana til mektipi oqughuchiliri pochta muzéyini ékskursiye qildi‏

Ixtiyariy muxbirimiz éhsan
2016.02.29
Share on WhatsApp
Share on WhatsApp
shiwetsiye-ana-til-maktep.jpg Shiwétsiyediki ana til mektipi oqughuchiliri dersxanida. 2016-Yili 27-féwral.
RFA/Éhsan

Shiwétsiyede qurulghan mehmut qeshqiri ana-til mektipi 2009-yildin buyan shiwétsiye ma'arip idarisining telim-terbiye jem'iyetler tizimliki qataridin orun alghan resmiy qanunluq telim-terbiye orgini bolup, igilinishiche, hazir bu mektepte 20 neper Uyghur perzenti oquydiken.

‏Mehmut qeshqiri ana til mektipide, ana til, din, örp-adet qatarliqlar derslik qilin'ghandin sirt, Uyghur tarixida ötken meshhur shexslerning ish izlirini ögitish bilen birge, islam tarixidinmu ders ötilidiken.

Mehmut qeshqiri mektipi mes'uli abbasning bildürüshiche, mezkur ana -til mektipi bu yilliq oqush bashlinish mewsumida, mekteptiki oqush, anglash, yézish dersidin bashqa yene her ayning axirqi heptilik derste mektep oqughuchilirini mes'ul oqutquchilarning hemrahliqida shiwétsiye jem'iyiti bilen tonushturush hemde sirtta uchrashqan shey'ilerning Uyghurche atalghulirini bildürüsh meqsitide, shiwétsiyediki herxil muzéy, meschit, kutupxana qatarliq orunlargha apirip ékskursiye qilduridiken.

Mehmut qeshqiri ana til mektipi, oqughuchilarni 27-féwral künidiki heptilik derside, shiwétsiye pochta muzéyini ékskursiye qildurghan.

Oqughuchilargha yétekchilik qilghan oqutquchilarning, pochta muzéyida ishleydighan xadimlarning yardimide shiwétsiye pochta muzéyining qurulush tarixi, ilgiri shiwétsiyede pochtilar qandaq yetküzülidighanliqi, hazir tereqqiy qilip qandaq tarqitilidighanliqi we shiwétsiyediki pochtigha alaqidar bezi melumatlar chüshendürülgen.

Mehmut qeshqiri mektipining mes'uli abbas oqughuchilarning mektep sirtidiki pa'aliyetler arqiliq oqughuchilarning yéngi shey'iler bilen uchriship ana tilini mukemmelleshtürüshtiki ehmiyiti heqqide öz köz qarishini anglatti.

Pochta muzéyidiki shiwétsiyening pochta ehwalidin öz chüshenchisini bayan qilghan, mehmut qeshqiri ana -til mektipi oqughuchiliridin yehya abdulla öz tesiratini bayan qildi.

Biz bu qétimliq muzéy pa'aliyitige yétekchilik qilghan mes'ullardin abdulla ehettin derstin sirtiqi pa'aliyetlerdin shiwétsiye bilen Uyghur diyaridiki ijtima'iy mesililerni sélishturush arqiliq oqughuchilargha ehmiyetlik ders bolghanliqini anglatti.

Mehmut qeshqiri mektipi oqughuchilarning a'ile mes'ulliridin dilmurat ependi bu xildiki pa'aliyetlerni orunlashturushning ata-anilargha zor yardimi bolghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.