Yerlik kadirlar: chet'elde oquwatqanlarni qayturup ekélishte höjjet bar

Uyghurlar diyaridin chet'elge oqushqa chiqqan oqughuchilar wekillirining “Üchni söyüsh üchke qarshi turush” söhbet yighinigha qatnashqanliqi heqqidiki xewer

Peyziwatning barin yézisidiki ikki kent sékrétari we bir neper saqchi xadimi nöwette özlirining chet'elde oquwatqan oqughuchilarni qayturup ekélish üchün a'ile ziyariti élip bériwatqanliqi, barin yéza 1- kenttiki chet'elde oquwatqan 5 oqughuchidin amérika we türkiyede oquwatqan ikkisining qaytip kelgenliki, awstraliye we firansiyede oquwatqan üchining qaytip kélishi üchün5 ‏- ayning axirigha qeder möhlet bérilgenlikini ashkarilidi.

Ular yene “Fen Xuylyu” dep atiliwatqan bu xizmet heqqide aptonom rayondin chüshken mexsus höjjet barliqini tilgha aldi.

So'al: silerning kentte chet'elde oquwatqan qanche oqughuchi bar?

Jawab: (1 ‏-kent saqchisi) besh Oqughuchi Bar, ikkisi xenzu, 3i milliy.

So'al: qanchisini qayturup ekeldinglar?

Jawab: ikkini(Uyghurni) qayturup ekelduq, bulardin biri türkiyede oquwatqan, yene biri amérikida.

So'al: bu heqte chüshürülgen uqturush qeyerning uqturushi?

Jawab: qeyerning ikenlikini bilmeymen, emma yuqirining uqturushi, yézining emes.

2 So'al: silerning kentte chet'elde oquwatqan 5 oqughuchi barken shundaqmu?

Jawab: (1‏-kent sékrétari) yaq üch. Bulardin biri amérikida kompyutér oquwatqan, u, tekshürüshtin kéyin amérikigha qaytti. Türkiyedin kelgen biri téxi bar, türkiyedin qaytip kelmigen yene bir qiz bar, uning ata-anisi bilen sözlishiwatimiz.

So'al: a'ilisige néme dep xizmet ishlewatisiler?

Jawab: ikki hepte ichide qaytip kelsun, bolmisa hemmimizge awarichilik bar dewatimiz.

3 So'al: silerning kentte chet'elde oquwatqan qanche oqughuchi bar?

Jawab: (2‏-kent sékrétari) bizde ikkisi bar. Biri firansiyede oquwatqan, yene biri awstraliyede, her ikkisi téxi qaytip kelmidi. 5 ‏-Ayning axirighiche qaytip kélishni a'ilisidikilirige tapiliduq.

So'al: bu heqte qolunglarda höjjet barmu?

Jawab: saqchilarda bar, a'ilini ziyaret qilghanda bir saqchi, bir dölet kadiri we men üchimiz barimiz. So'al: u höjjet qeyerning höjjiti?

Jawab: aptonom rayonning.

Axirqi kent sékrétarining bayanliridin melum bolushiche, chet'eldin qayturup kélin'gen oqughuchilarning qayta chet'elge chiqalash éhtimalliqi intayin az. Emma deslepki kent saqchisining bayan qilishiche, eger siyasiy idiyiside atalmish mesilisi yoqluqi aydinglashqan teqdirde, oqushini dawamlashturush éhtimalliqi melum derijide mewjut.

Bayanlarda tilgha élin'ghan pakitlardin biride ashkarilan'ghini, yeni amérikidin qayturup ekétilgen we tekshürüshtin kéyin quyuwétilgen, peqet xitay döliti bir tutash chet'elge chiqarghan we qaytip kélish buyruqigha derhal awaz qoshqan oqughuchining aqiwitidur.

Emma qaytip barghan bashqa oqughuchilarning, bolupmu shexsiy xirajiti bilen oqushqa chiqqanlarning qandaq mu'amilige uchrighanliqi we yaki qandaq bir terep qilinidighanliqi hazirche yenila bir sir.