Gérmaniyede "Tengritagh ghunchiliri" ana til mektipi quruldi

Ixtiyariy muxbirimiz ekrem
2019-01-24
Élxet
Pikir
Share
Print
Gérmaniyening karlsrux shehiride qurulghan "Tengritagh ghunchiliri" ana til mektipi dersxanisi. 2019-Yili yanwar.
Gérmaniyening karlsrux shehiride qurulghan "Tengritagh ghunchiliri" ana til mektipi dersxanisi. 2019-Yili yanwar.
RFA/Ekrem

Gérmaniyening karlsrux shehiride qurulghan "Tengritagh ghunchiliri" ana til mektipi resmiy oqush bashlidi.

Közetküchilerning qarishiche, xitay hakimiyitining Uyghur diyarida yürgüzüwatqan medeniyet qirghinchiliqi, assimilyatsiye siyasiti we mexsus jaza lagérlirini qurup élip bériwatqan étnik tazilash herikitige qarshi muhajirettiki Uyghurlar arisida küchlük qarshiliq we tirkishish weziyiti meydan'gha chiqmaqtiken. Ana tilni qoghdap qélish we milliy kimlikni saqlap qélishqa urunush pa'aliyetliri buning janliq örnekliridin hésablinidiken.

19-Yanwar küni gérmaniyening karlsrux shehiride qurulghan "Tengritagh ghunchiliri" ana til mektipi tunji sa'etlik dersini ötüp, bu etrapqa jaylashqan Uyghur musapirlirigha gérmanche ögitish, yash ösmürlerge Uyghur ana tilidin ders bérish pa'aliyitini resmiy yolgha qoyghan.

Döletning testiqi we maddiy yardemliri bilen qurulghan bu mektepning qurulush xizmetlirige hesse qatqan we mes'ulluq xizmitini üstige alghan dunya Uyghur qurultiyi ayallar komitétining mudiri aman'gül eziz xanimning bildürüshiche, mektepte tunji qedemde 2 sinip tengla ders bashlighan bolup, bu mektepning qurulushi shu yerdiki Uyghur jama'itini söyündürgen.

"Tengritagh ghunchiliri" ana til mektipige oqutquchiliqqa teyinlen'gen rabiye abla xanim bu heqte toxtalghanda derslerning Uyghurlarning milliy hem diniy kimlikige a'it témilar asasida 5 türge bölünüp ötilidighanliqini bayan qildi.

"Tengritagh ghunchiliri" ana til mektipining oqughuchisi nilufer xanim karlsrux shehiridiki Uyghur jama'itige nisbeten bu mektepning qurulushining zor xushxewer we tebrikleshke erziydighan bir hadise bolghanliqini tilgha aldi.

Toluq bet