Явропадики шәрқий түркистанлиқ өсмүрләр дала паалийити ғәлибилик ахирлашти

Шиветсийәниң катеринхолм арилида 15-майдин 17-майғичә 3 күн давамлашқан “явропа шәрқий түркистанлиқ өсмүрләр дала паалийити”, 17-май йәкшәнбә күни ғәлибилик ахирлашти.

Бу үч күнлүк паалийәттә өсмүрләргә мас һаләттә тәйярланған ликсийәләр вә лексийә мәзмуниға даир муназириләр елип берилди.

Ликсйәдин сирт өсмүрләр һәр хил шәкилдики арғамча тартиш, путбол, валибол, пәй топ қатарлиқ тәнтәрбийә паалийәтлиригә актип қатнашти.

Тәклип билән ликсйә бәргүчиләрдин мәрһүм күрәш көсән әпәндиниң аяли бәхтиниса ханим өзиниң дала паалийитидә сөзлигән ликсйәсини хуласиләп вә өсмүрләрдин күтидиған тиләклирини ипадилиди.

Бу паалийәткә һәмкарлашқучи тәшкилатлардин финландийә уйғур мәдәнийәт мәркизи рәиси доктор муһәммәд ели қарим өзиниң паалийәт җәрянидики тәсирати вә паалийәтниң әһмийити һәққидики қаришини баян қилди.

Голландийә явропа шәрқий түркистан маарип җәмийити рәиси ийса қарим осмуләр үчүн қилинған бу паалийәтниң муһимлиқи һәққидә тохталди вә муһаҗирәттики уйғурлардин күтидиған үмидини оттуриға қойди.

Паалийәткә шиветсийә, финландийәдин қатнашқан өсмүрләр өзиниң тәсиратини изһар қилди.