Уйғур академийиси “чәтәлдә оқуш пурсәтлири” темисида йиғин өткүзди

Ихтиярий мухбиримиз әркин тарим
2016.10.10
uyghur-akademiye-2016-yighin.JPG “уйғур тарих тәтқиқати илмий муһакимә йиғини” җәрянида “чәтәлдә оқуш пурсәтлири” мавзулуқ паалийәт өткүзүлди.
RFA/Erkin Tarim

Истанбулда паалийәт елип бериватқан уйғур академийәсиниң уюштуруши билән 10-айниң 8- вә 9-күнлири истанбул фатиһ султан мәмәт вәқпи үниверситетиниң залида өткүзүлгән “уйғур тарих тәтқиқати илмий муһакимә йиғини” җәрянида “чәтәлдә оқуш пурсәтлири” мавзулуқ паалийәт өткүзүлди. 7- Вә 8-өктәбир күнлири ақшам өткүзүлгән паалийәттә, америкидин кәлгән алий доригәрлик мутәхәссиси ришат аббас америкида оқуш пурсәтлири тоғрисида, әркин аблиз әпәнди японийәдә оқуш пурсәтлири темисида, доктор абләт сәмәт әпәнди явропада оқуш пурсәтлири темисида, уйғур академийиси рәиси абдухәмит әпәнди түркийәдә оқуш пурсәтлири темисида доклат бәрди. Паалийәткә түркийәдә оқуватқан толуқ курс, магистир вә доктора оқуғучилиридин болуп көп санда киши иштирак қилди. Доклат бәргүчиләр һәрқайси дөләтләрниң оқуш пурсәтлири тоғрисида тәпсилий доклат бәргәндин кейин, оқуғучилар соал сориди.
Биз бу паалийәт тоғрисида мәлумат игиләш үчүн уйғур академийиси пәхри рәиси доригәрлик мутәхәссиси доктор ришат аббас, уйғур академийәси баш катипи абдуләзиз бәштоғрақ вә чарва дохтури әркин аблиз әпәндиләргә микрофонимизни узаттуқ.

Доктор ришат аббас әпәнди “чәтәлдә оқуш пурсәтлири” намлиқ йиғинниң наһайити яхши өткәнликини баян қилди.

Абдуләзиз бәштоғрақ әпәнди, уйғур академийиси қурулғандин бери чәтәлдә оқушни халайдиған оқуғучиларға йол көрситип бериш үчүн бу паалийәтни өткүзүватқанлиқини, наһайити үнүмлүк болуватқанлиқини баян қилди.

Америкидин кәлгән уйғур зиялийси әркин аблиз әпәнди өзи японийәдә оқуған болғачқа, японийәдики оқуш пурсәтлири тоғрисида мәлумат бәргәнликини баян қилди.

Абдуләзиз бәштоғрақ әпәнди уйғур академийисиниң тор бекитидә чәтәлдә оқуш пурсәтлири тоғрисида тәпсилий мәлумат барлиқини, оқуғучиларниң бу тор бетидин тәпсилий мәлумат игилийәләйдиғанлиқини баян қилип, тәвсийәлирини оттуриға қойди.

Йиғин ахирлашқандин кейин, көз қарашлирини игиләш үчүн оқуғучиларға микрофонимизни узатқан болсақму, зияритимизни қобул қилишни халимиди.

7- Вә 8-өктәбир күнлири ахшамлири җәмий 4 саәт давамлашқан “чәтәлдә оқуш пурсәтлири” намлиқ йиғин нәқ мәйдандин иҗтимаий таратқулар арқилиқ тарқитилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.