Uyghur akadémiyisi "Chet'elde oqush pursetliri" témisida yighin ötküzdi

Ixtiyariy muxbirimiz erkin tarim
2016-10-10
Share
uyghur-akademiye-2016-yighin.JPG "Uyghur tarix tetqiqati ilmiy muhakime yighini" jeryanida "Chet'elde oqush pursetliri" mawzuluq pa'aliyet ötküzüldi.
RFA/Erkin Tarim

Istanbulda pa'aliyet élip bériwatqan Uyghur akadémiyesining uyushturushi bilen 10-ayning 8- we 9-künliri istanbul fatih sultan memet weqpi üniwérsitétining zalida ötküzülgen "Uyghur tarix tetqiqati ilmiy muhakime yighini" jeryanida "Chet'elde oqush pursetliri" mawzuluq pa'aliyet ötküzüldi. 7- We 8-öktebir künliri aqsham ötküzülgen pa'aliyette, amérikidin kelgen aliy dorigerlik mutexessisi rishat abbas amérikida oqush pursetliri toghrisida, erkin abliz ependi yaponiyede oqush pursetliri témisida, doktor ablet semet ependi yawropada oqush pursetliri témisida, Uyghur akadémiyisi re'isi abduxemit ependi türkiyede oqush pursetliri témisida doklat berdi. Pa'aliyetke türkiyede oquwatqan toluq kurs, magistir we doktora oqughuchiliridin bolup köp sanda kishi ishtirak qildi. Doklat bergüchiler herqaysi döletlerning oqush pursetliri toghrisida tepsiliy doklat bergendin kéyin, oqughuchilar so'al soridi.
Biz bu pa'aliyet toghrisida melumat igilesh üchün Uyghur akadémiyisi pexri re'isi dorigerlik mutexessisi doktor rishat abbas, Uyghur akadémiyesi bash katipi abdul'eziz beshtoghraq we charwa doxturi erkin abliz ependilerge mikrofonimizni uzattuq.

Doktor rishat abbas ependi "Chet'elde oqush pursetliri" namliq yighinning nahayiti yaxshi ötkenlikini bayan qildi.

Abdul'eziz beshtoghraq ependi, Uyghur akadémiyisi qurulghandin béri chet'elde oqushni xalaydighan oqughuchilargha yol körsitip bérish üchün bu pa'aliyetni ötküzüwatqanliqini, nahayiti ünümlük boluwatqanliqini bayan qildi.

Amérikidin kelgen Uyghur ziyaliysi erkin abliz ependi özi yaponiyede oqughan bolghachqa, yaponiyediki oqush pursetliri toghrisida melumat bergenlikini bayan qildi.

Abdul'eziz beshtoghraq ependi Uyghur akadémiyisining tor békitide chet'elde oqush pursetliri toghrisida tepsiliy melumat barliqini, oqughuchilarning bu tor bétidin tepsiliy melumat igiliyeleydighanliqini bayan qilip, tewsiyelirini otturigha qoydi.

Yighin axirlashqandin kéyin, köz qarashlirini igilesh üchün oqughuchilargha mikrofonimizni uzatqan bolsaqmu, ziyaritimizni qobul qilishni xalimidi.

7- We 8-öktebir künliri axshamliri jem'iy 4 sa'et dawamlashqan "Chet'elde oqush pursetliri" namliq yighin neq meydandin ijtima'iy taratqular arqiliq tarqitildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.