Ilham mexmut: atom bombisining ziyankeshlikige Uyghurlarmu uchrighan

Ixtiyariy muxbirimiz haji qutluq qadiri
2013-08-07
Share
ilham-mexmut-xiroshima.JPG D u q mu'awin re'isi ilham mexmut xiroshimadiki tinchliq baghchisida teshwiqat waraqchisi tarqatmaqta. 2013-Yili 6-awghust, yaponiye.
RFA/Qutluq

8-Ayning 6-küni yaponiyening xiroshima shehiridiki tinchliq baghchisida xiroshimagha atom bombisi tashlan'ghanliqining 68 yilliqini xatirilesh pa'aliyiti ötküzülgen.

Bu qétimqi pa'aliyetke yaponiye bash weziri shinzo abé, amérikining yaponiyede turushluq bash elchisi jon rus we bir qisim amérikiliq dangliq sen'etkarlar qatnashqan.

Xiroshimadiki xatirilesh pa'aliyitige xitayning yaponiyede turushluq elchixanisi we konsulxaniliridin wekil ewetilmigen bolsimu, yaponiyede turushluq köp sandiki döletlerning wekilliri ishtirak qilghan.

Xiroshimagha bundin 68 yil ilgiri yeni 1945-yili 8-ayning 6-küni etigen sa'et sekkizdin on besh ötkende amérika hawa armiyisi teripidin atom bombisi tashlan'ghan. Atom bombisining zerbiside xiroshimada 90 mingdin  140 ghiche ademning hayatidin ayrilghanliqi ilgiri sürülidu.

Xiroshimagha atom bombisi tashlinip üch kündin kéyin, nagasakigha atom bombisi tashlan'ghan. Nagasadiki atom bombisining zerbiside yüzmingdin oshuq kishi qaza qilghan.

Xiroshimadiki tinchliq baghchisida her yili 6-awghust yaponiyege atom bombisi tashlan'ghanliqini xatirilesh, uningda wapat bolghanlarni eslesh we yer sharida yene qayta atom bombisi paji'esining yüz bérishining aldini élishtek türlük dunya tinchliqini terghib qilidighan pa'aliyetler ötküzülidu.

Xiroshimada yilda ötküzülüwatqan bu xildiki xatirilesh pa'aliyitige yaponiyede pa'aliyet élip bériwatqan yaponiye Uyghur jem'iyiti besh yildin buyan izchil halda aktip qatniship kelmekte.

Yaponiye Uyghur jem'iyiti mezkur pa'aliyette atom sinaqlirining zerbisige uchrighan Uyghurlarning ehwalini in'gliz, yapon tillirida yézilghan teshwiqat waraqchilirini tarqitishtek pa'aliyetlerni élip barmaqta.

Biz bu munasiwet bilen hazir xiroshimada ötküzülüwatqan xiroshimagha atom bombisi tashlan'ghanliqining 68 yilliqini xatirilesh pa'aliyitige ishtirak qiliwatqan we Uyghurlarning atom bombisining zerbisige uchrighanliqi toghrisidiki teshwiqat waraqchilirini tarqitiwatqan dunya Uyghur qurultiyining mu'awin re'isi ilham mexmut bilen téléfon söhbiti élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet