Канададики көйүватқан шәһәр форт макмуррай тәсиратлири (1-қисим)

Ихтиярий мухбиримиз гүлшән абдуқадир
2016.05.18
Share on WhatsApp
Share on WhatsApp

5-Айниң 2-күни чүштин кейин канаданиң алберта өлкисигә қарашлиқ 80 миң нопузлуқ кичиккинә шәһәр форт макмуррай шәһиригә от кәтти. Канада мәтбуатлириниң мәлуматлиридин мәлум болушичә от форт макмуррай шәһиридики атабаска дәряси саһилидики тәбиий орманлиқлардин башланған икән.

Гәрчә от апити йүз бәргинигә 3 һәптидин артуқ вақит болған болсиму, әмма шәһәр һазирғичә көймәктә. От күнниң иссип кетиши вә деңиз окянлардин урулған шамал тәсиридин күндин күнгә улғийип, кичиккинә хилвәт бу шәһәр бирнәччә күнниң ичидә хараблиққа айлинип қалған. Канада һөкүмити барлиқ тәдбирләрни ишқа селип отни өчүрүшкә тиришқан вә мәлум дәриҗидә контрол қилған болсиму, әмма от апити кәлтүрүп чиқарған әгәшмә хәтәрләр канада һөкүмитиниң йәнила бешини ағритидиған мәсилә болуп турмақта икән.

От апити сәвәбидин, форт макмуррай шәһиридики нурғунлиған аһалиләрниң олтурақ өйлири вә машинилири көйүп күл болуп кәткән. Меһманхана, газ сетиш мәркәзлири вә нурғунлиған шәһәр муәссәсилири, су газ туруба йоллири бузғунчилиққа учурған болуп, 3 һәптидин буян көйүватқан бу шәһәр һәққидә хәвәр бәргән чәтәл вә канада мәтбуатлири, бу от апитини йәр шариниң дозиқи дәп тәриплигән. Канада һөкүмити бихәтәрлик сәвәбидин, 80 миңға йеқин шәһәр аһалисини, макмуррай шәһиридин 300 километир вә 600 км йирақлиқтики калгари вә әдминтон шәһәрлиригә йөткәшкә мәҗбур болған. Туюқсиз йүз бәргән бу от апити сәвәбидин, өй маканлирини ташлап, дәсләптә канада һөкүмити орунлаштурған, вақитлиқ лагерға андин, калгари вә әдминтон шәһәрлиригә қечишқа мәҗбур болған 80 миң канада вәтәндишиниң ичидә бир уйғур аилиси йәни зөһрә ясинҗан аилисиму бар иди.

Зөһрә ханим бизгә, форт макмуррай шәһиридә йүз бәргән от апити вә аилисиниң, өй вақи сәрәмҗанлирини ташлап қечиш җәрянидики сәргүзәштлирини һекайә қилип сөзләп бәрди.

Хилвәт шәһәр форт макмуррай һазирғичә көймәктә.Әмма зөһрә ханимниң, от апити йүз берип һазирғичә болған 3 һәптә җәрянида канададики инсанлиқ қәдир қиммити, адәмләрдики өз ара көйүнүш меһри муһәббәт шундақла адәмгәрчиликкә аит алған тәсиратлири нурғун. Гәрчә у өз аилиси билән бирликтә техичә форт макмуррай шәһиридики өз өйигә қайталмиған болсиму, әмма канададики нурғунлиған вәтәндашларға охшашла, канададин ибарәт бу чоң аилиниң иллиқлиқидин бәһримән болмақта. Зөһрә ханимниң бу һәқтики тәсиратлирини, канададики көйүватқан шәһәр форт макмуррай тәсиратлириниң 2-қисмидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт