Путбол мусабиқисидә сидней уйғур командиси биринчи болди

Ихтиярий мухбиримиз әркин тарим
2016-12-26
Share
awstraliye-uyghur-putbol-1.jpg "уйғур лоңқисини талишиш путбол мусабиқиси" дә чемпийонлуққа еришкән сидней командисиниң бир қисим әзалири. 2016-Йили декабир, австралийә.
RFA/Erkin Tarim

Австралийәниң мелборн шәһиридә өткүзүлгән 2016-йиллиқ "уйғур лоңқисини талишиш путбол мусабиқиси" дә сидней уйғур командиси биринчиликкә еришти.

Мусабиқидә сидней командиси биринчиликкә, мелборн командиси иккинчиликкә вә аделайд командиси үчинчиликкә еришти. Австралийә уйғур җәмийитиниң рәиси мәмәтимин әла әпәндиниң ейтишичә, мусабиқә баштин-ахирғичә достанә шәкилдә елип берилған болуп, австралийәдики үч чоң шәһәрдин кәлгән путболчи әзимәтләр 36-37 градуслуқ иссиққа қаримай, өзлириниң есил маһирәтлирини тамашибинларға намайәндә қилған. Биз бу путбол мусабиқиси тоғрисида техиму тәпсилий мәлумат игиләш үчүн австралийә уйғур җәмийитиниң рәиси мәмәтимин әла вә бу мусабиқигә көзәткүчи сүпитидә германийәдин берип қатнашқан дуня уйғур қурултийиниң сабиқ рәһбәрлиридин әнивәр әхмәт әпәндиләр билән телефон сөһбити елип бардуқ.

Мәмәтимин әла әпәнди уйғур лоңқисини талишиш путбол мусабиқисиниң 2006-йилидин бери изчил һалда өткүзүлүватқанлиқини, 12-айниң 25-күни 13-қетимлиқини утуқлуқ ахирлаштурғанлиқини баян қилди.

Мәмәтимин әла буниң,ноқул һалда бир путбол мусабиқисила әмәс, австралийәдики уйғурларниң өз - ара чүшиниши шундақла уйғурларниң путбол тарихидики икисақ роһини җари қилдуруш үчүн зор әһмийәткә игә икәнликини баян қилди.

Дуня уйғур қурултийи тәтқиқат мәркизиниң сабиқ мудири әнивәр әхмәт әпәнди австралийәдә өткүзүлгән путбол мусабиқисини көргәндин кейинки тәсиратини баян қилди.

У, тәнтәрбийә паалийитиниң, болупму путбол мусабиқисиниң уйғур дәвасини тонутушта иҗабий рол ойнаватқанлиқини баян қилди.

Сиднейдә паалийәт елип бериватқан австралийә уйғур җәмийитиниң рәиси мәмәтимин әла әпәнди, тәшкилатиниң йеқиндин бери қилған паалийәтлири вә пиланлири тоғрисида мәлумат бәрди.

2006-Йилидин бери изчил һалда өткүзүлүватқан уйғур лоңқисини талишиш путбол мусабиқисиниң 14-қетимлиқи келәр йили австралийәниң аделайд шәһиридә өткүзүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт