Putbol musabiqiside sidnéy Uyghur komandisi birinchi boldi

Ixtiyariy muxbirimiz erkin tarim
2016-12-26
Élxet
Pikir
Share
Print
"Uyghur longqisini talishish putbol musabiqisi" de chémpiyonluqqa érishken sidnéy komandisining bir qisim ezaliri. 2016-Yili dékabir, awstraliye.
"Uyghur longqisini talishish putbol musabiqisi" de chémpiyonluqqa érishken sidnéy komandisining bir qisim ezaliri. 2016-Yili dékabir, awstraliye.
RFA/Erkin Tarim

Awstraliyening mélborn shehiride ötküzülgen 2016-yilliq "Uyghur longqisini talishish putbol musabiqisi" de sidnéy Uyghur komandisi birinchilikke érishti.

Musabiqide sidnéy komandisi birinchilikke, mélborn komandisi ikkinchilikke we adélayd komandisi üchinchilikke érishti. Awstraliye Uyghur jem'iyitining re'isi memet'imin ela ependining éytishiche, musabiqe bashtin-axirghiche dostane shekilde élip bérilghan bolup, awstraliyediki üch chong sheherdin kelgen putbolchi ezimetler 36-37 gradusluq issiqqa qarimay, özlirining ésil mahiretlirini tamashibinlargha namayende qilghan. Biz bu putbol musabiqisi toghrisida téximu tepsiliy melumat igilesh üchün awstraliye Uyghur jem'iyitining re'isi memet'imin ela we bu musabiqige közetküchi süpitide gérmaniyedin bérip qatnashqan dunya Uyghur qurultiyining sabiq rehberliridin eniwer exmet ependiler bilen téléfon söhbiti élip barduq.

Memet'imin ela ependi Uyghur longqisini talishish putbol musabiqisining 2006-yilidin béri izchil halda ötküzülüwatqanliqini, 12-ayning 25-küni 13-qétimliqini utuqluq axirlashturghanliqini bayan qildi.

Memet'imin ela buning,noqul halda bir putbol musabiqisila emes, awstraliyediki Uyghurlarning öz - ara chüshinishi shundaqla Uyghurlarning putbol tarixidiki ikisaq rohini jari qildurush üchün zor ehmiyetke ige ikenlikini bayan qildi.

Dunya Uyghur qurultiyi tetqiqat merkizining sabiq mudiri eniwer exmet ependi awstraliyede ötküzülgen putbol musabiqisini körgendin kéyinki tesiratini bayan qildi.

U, tenterbiye pa'aliyitining, bolupmu putbol musabiqisining Uyghur dewasini tonutushta ijabiy rol oynawatqanliqini bayan qildi.

Sidnéyde pa'aliyet élip bériwatqan awstraliye Uyghur jem'iyitining re'isi memet'imin ela ependi, teshkilatining yéqindin béri qilghan pa'aliyetliri we pilanliri toghrisida melumat berdi.

2006-Yilidin béri izchil halda ötküzülüwatqan Uyghur longqisini talishish putbol musabiqisining 14-qétimliqi kéler yili awstraliyening adélayd shehiride ötküzülidiken.

Toluq bet