Yaponiye Uyghur birliki teshkilati yaponiye hökümitige hal sorash xéti yollidi

Ixtiyariy muxbirimiz haji qutluq qadiri
2016-04-20
Share
duq-yaponiye-apet-xeliq-hal-sorash-1.jpg D u q re'isi rabiye qadir xanim yétekchilikidiki wekiller yaponiyening ibariki ölkisining joso shehirige bérip su apitige uchrighan xelqlerdin hal soridi. 2015-Yili 15-öktebir, yaponiye.
RFA/Qutluq

17-Aprél, d u q ning yaponiyediki tarmaq teshkilati bolghan yaponiye Uyghur birliki teshkilati kumamoto ölkiside yüz bergen yer tewresh apiti munasiwiti bilen yaponiye hökümitige hal sorash xéti yollighan.

14-Aprél yaponiyening kumamoto ölkiside bashlan'ghan 6.5 Bal yer tewresh qalduq yer tewresh shekli bilen izchil dawamliship, 16-aprél küni seherde 7.3 Bal yer tewrep hazirghiche 40 tin oshuq kishining ölüshini keltürüp chiqarghan. Shuning bilen birge, bu qétimqi yer tewresh etraptiki fuku'oka, o'ita, kagoshima ölkilirige tesir qilip kyushu rayonida omumyüzlük dégüdek yer tewresh peyda qilghan.

Yer tewresh hazirghiche 3 baldin 6 balghiche bolghan ariliqta izchil dawam qiliwatqan bolup, kumamoto, o'ita shehiridiki köpligen ahaliler öy-makanliridin ayrilip sirtta panahlinishqa mejbur bolghan. Kyushu rayonidiki barliq qatnash wasitiliri üzülüp qalghan.

Yaponiyede ter tewresh apiti yüz bergendin kéyin tokyoda turushluq köpligen döletlerning elchixaniliri yaponiye hökümitige hal sorash xéti yollighan bolup, bularning qatarida xitayning tokyodiki elchixanisi we fuku'oka shehiridiki konsulxanisimu bar.

Undin bashqa yene, tokyoda pa'aliyet élip bériwatqan bir qisim kishilik hoquq teshkilatlirimu yer tewresh apitide qaza qilghanlargha öz teziyesini we yarilan'ghanlargha hésdashliqini bildürüp türlük shekillerde hal sorash mektublirini yollighan.

Yaponiye Uyghur birliki teshkilatining tor bétidin igilishimizche, mezkur teshkilat dunya Uyghur qurultiyi namidin yapon hökümitige, kumamoto sheherlik hökümetke we shundaqla yaponiye parlaméntidiki "Uyghur dostluq guruppisi" gha hal sorash mektupi yollap, dunya Uyghur qurultiyining jümlidin pütkül Uyghur xelqining yer tewresh apiti munasiwiti bilen apetke uchrighan xelqlerdin hal soraydighanliqini bildürgen.

Biz bu heqte tepsiliy melumatqa érishish üchün yaponiye Uyghur birliki teshkilatining re'isi doktor turmuhemmet hashim bilen téléfon söhbiti élip barduq. Turmuhemmet hashim dunya Uyghur qurultiyi namidin yézilghan hal sorash xéti heqqide toxtaldi.

Yaponiyede élip bériliwatqan Uyghur kishilik hoquq pa'aliyetlirini qollap kéliwatqan takashi sato ziyaritimizni qobul qilip, mezkur hal sorash xétini körgendin kéyinki özining tesiratini bayan qilip:" Rabiye qadir xanim bashchiliqidiki dunya Uyghur qurultiyi rehberlirining ilgirimu yaponiyede yüz bergen her xil apetlerge hésdashliq bildürüp, hal sorash xéti yollighanliqi we apet rayonlirigha bérip hal sorash pa'aliyiti élip barghanliqi hélihem yaponlarning yadida bar. Bu qétimqi hal sorash xétimu elwette, apetke uchrighan xelqlerge zor ilham bolidu dep oylaymen" dédi.

Yaponiyediki Uyghur ziyaliyliridin iqtisad penliri mutexessisi ghalip mijit, yaponiye Uyghur birliki tor bétide élan qilin'ghan bu qétimqi hal sorash xétige yaponlar yollighan türlük inkaslar heqqide toxtaldi.

Yaponiye metbu'atlirining xewiride déyilishiche, kumamoto shehiride apetke uchrighan xelqlerge yardemde boluwatqan yaponiye özini qoghdash qisimlirigha amérikining okinawada turushluq hawa armiye qisimliri jiddiy yardemde bolghan bolup, ular ayropilan arqiliq yémeklik we turmush buyumlirini yetküzüp bergen.

Amérikining yaponiyede turushluq herbiy qisimliri 2011-yili 11-mart yüz bergen toxoko rayonliridiki yer tewresh we déngiz tashqini apitide apetke uchrighan xelqlerge yéqindin yardemde bolup, apet rayondiki xelqlerning qizghin maxtishigha érishken.

Igilishimizche, yaponiyediki bir qisim musulmanlarning ashxana we réstoranliri türlük yémekliklerni teyyarlap apet rayondiki xelqlerge yetküzüp bergen. Hetta meschitlerde apet rayondiki xelqlerge i'ane toplash pa'aliyiti bashlan'ghan.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet