Муқәддәс миҗит: “сәнитимизгә өзимиз игә чиқишимиз керәк!”

1-Июнда фирансийәниң париж шәһиридә башланған 26-нөвәтлик хәлқаралиқ “тәсәввур фестивали” ( Festival de l'Imaginaire) 11-июн күни аяғлашти. Мәлум болушичә, мәзкур фестивални “дуня мәдәнийәт сарийи” (Maison des Cultures du Monde) 1997-йилидин буян һәр йили өткүзүп кәлмәктә. Фестивалда дуняниң һәр қайси җайлиридин кәлгән хәлқ сәнәткарлири сәһнидә өз маһарәтлирини көрситиду. Мәзкур фестивал 26 йилдин буян дунядики мәдәнийәтләрниң көп хиллиқини намаян қилишта муһим рол ойнаватқан хәлқаралиқ сәһниләрдин бири болуп һесаблинидикән.

Мәзкур фестивалға 6-июн күни қазақистанлиқ уйғур сәнәткар санийәм исмаил қатнашқан болуп, у уйғур муқамлири вә хәлқ нахшилирини орундап баһалиғучиларниң вә тамашибинларниң қизғин алқишиға еришкән.

Muqeddes Mijit teminligen

Санийәм исмаил ханимни мәзкур фестивалға қатнаштурушта баштин-ахири зор күч чиқарған фирансийәдики музика тәтқиқатчиси, филим режиссори муқәддәс миҗит ханимниң билдүрүшичә, уйғурларниң бу фестивалға қатнишиши тунҗи қетим әмәс икән. Долан муқамчилири 2005-йили вә 2013-йили икки қетим мушу фестивалда долан муқамлирини яңратқан икән.

Биз бу мунасивәт билән муқәддәс миҗит ханимни бүгүнки сөһбәт программимизға тәклип қилдуқ.

Сөһбитимизниң тәпсилатини юқиридики улиништин аңлиғайсиләр.