Amérika tajikistanning bixeterlik ishlirigha 13 milyon dollar yardem qildi

Yéqinda amérikining tajikistandiki bash elchisi bilen tajikistan tashqi ishlar ministiri amérikining tajikistanning bixeterlik we qoghdash ishlirini yaxshilash üchün 13 milyon dollar yardem bérish heqqidiki kélishimni imzalighan.
Muxbirimiz ümidwar xewiri
2008-08-24
Share

 Ferghane agéntliqining xewer qilishiche, 1992 - ylidin étibaren amérika tajikistan'gha mezkur sahe boyiche yardem bérip kelmekte.

Amérika bash elchisi ötken yili amérika hökümitining tajikistanning bixeterlik ishliri üchün 18.8 Milyon dollar ajratqanliqini eskertken. U, "biz tajikistan bilen bolghan bixeterlik sahesidiki hemkarliqlarni dawamlashturmaqchimiz, shunga biz tajikistanning térrorchiliq, zeherlik chékimlik we bashqa mesililerge qarshi küreshke qoshqan töhpisini qedirleymiz" deydu.

Amérika ajratqan 13 milyon dollarning biwasite ishlitilish da'irisi békitilgen bolup, 2 yérim milyon dollar tajikistanning chégra mudapi'e akadémiyisining türlük xizmetlirige, 3 milyon dollar zeherlik chékimliktin mudapi'e körüsh we uninggha qarshi turush ishlirigha ajritilghan.

Tajikistanning asiya plus metbu'atining yézishiche, hazir amérika tajikistan'gha her yili 40 milyon dollar etrapida yardem qilmaqta. Bu yardemler bu döletning bixeterlikni kücheytish, iqtisadiy tereqqiyati, démokratiye we erkinlikni rawajlandurush hem saqliqni saqlash, ma'arip ishlirini kücheytishte rol oynimaqta.

Tajikistan ottura asiyadiki iqtisadiy tereqqiyati arqida qalghan taghliq dölet. Tajikistan öz tereqqiyatini ilgiri sürüsh we bixeterlikini kapaletke ige qilish üchün rusiye, xitay, iran we hindistan bilen bolghan herbiy - siyasiy, iqtisadiy munasiwetlergimu ehmiyet bermekte, nöwette, tajikistanda rusiye herbiy bazisi mewjut.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet