Ataqliq qirghiz yazghuchisi chinggiz aytmatof wapat boldi

Qirghizistanni dunyagha tonutqan kishi dep atalghan, dangliq qirghiz yazghuchisi we siyasiyoni chinggiz aytmatof, seyshenbe küni gérmaniyining nurinberg shehiridiki bir doxturxanida dawalash ünüm bermey alemdin ötti.
Muxbirimiz ömer qanat xewiri
2008.06.10

 Chinggiz aytmatof 1958‏ - yili neshr qilin'ghan " jemile" namliq romani bilen tonulushqa bashlighan bolup, 1980‏ - yilliri yazghan we sowit ittipaqidiki turmushni eks ettürgen " bir esirdinmu uzun bir kün" namliq kitabi bilen yazghuchiliq kespining eng yuqiri pellisige chiqqan idi. Chinggiz aytmatof bu kitabida qéyin - qistaq we xatirisini yoqitish arqiliq qullargha aylandurulghan xelqni teswirlesh üchün " manqurt" uqumini tonushturghan.

Bu kitabning neshr qilinishidin kéyin, nurghunlighan milletchi we wetenperwer guruppilar öz millitidin tan'ghan, öz milli tarixini we medeniyitini untup, yat milletlerning tili we medeniyitini qobul qilghan kishilerni manqurt dep atashqa bashlighan.

1928‏ - Yili 12‏ - ayning 12‏ - küni qirghizistanning talas rayonining shiker yézisida tughulghan chinggiz aytmatof, qirghizistan siyasitidimu aktip rol oynighan bolup, 1990‏ - yilidin 2005‏ - yilighiche qirghizistanda höküm sürgen prézidént aqayifni qollighan idi.

1935‏ - Yili a'ilisi bilen birlikte qirghizistandin rusiyige köchüp, moskwagha orunlashqan chinggiz aytmatof, yazghuchiliq kespini moskwada rus tilida bashlighan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.