Qirghizistan saqchi da'iriliri amérika herbiy bazisining bir xadimini qolgha aldi

Qirghizistanning 24 sa'et dep atalghan uchur agéntliqining xewer qilishiche, bir qanche kun ilgiri bishkek manas ayrodromidiki amérika herbiy bazisining bir neper xadimi qirghizistan saqchiliri teripidin qolgha élin'ghan bolup, buningdiki seweb fawsawat cha'un lamay isimlik mezkur xadimning sheher ichide ijaride olturuwatqan öyge ot kétishide uning jawabkarliqi bar dep eyiblinishi iken.
Muxbirimiz ümidwar xewiri
2008-06-01
Share

 Qirghizistan agéntliqlirining amérikining bishkektiki elchixanisidin igilishiche, mezkur amérikiliq, herbiy xadim emes bolup, u peqet bazida ishligüchi xalas, shunga bu mesile diplomatiyilik mesililer derijisige kötürülmigen.

Xewerde körsitilishiche, fawsawat cha'un ijaride olturghan öyning igisi uning öyde tamaka chékip, otni öchürmigenliki sewebidin ot ketkenliki bilen uni eyibligen shuningdek uningdin, köyüp ketken öy üchün 50 ming dollar telep qilghan. Biraq, u pulni tölimigenliki sewebi bilen ziyan tartquchining erzi boyiche saqchilar uni qolgha alghan. Bundaq qararni bishkek sheherlik rayonluq sot qarar qilghan.

Amérika herbiy bazisining dawamliq turushi qirghizistan hökümiti teripidin raziliq bérish asasida emelge ashqan bolup, bazining kira heqqi burunqidin zor derijide östürüp bérilgen. Bishkek bu bazini öz dölet menpe'etliri üchün paydiliq dep qarighanliqi üchün uning dawamliq saqlinip turushigha qoshulghan bolsimu, lékin shangxey hemkarliq teshkilati we bir qisim öktichilerning bazining mewjutluqigha qarshi inkaslarda boluwatqanliqi xewer qilinmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet