Қирғизистан нюйорк шәһиридә консул понкити ачмақчи

Қирғизистан ташқи ишлар министири әднан қарабайев билән америка ташқи ишлар министириниң оттура асия ишлири бойичә ярдәмчисиниң муавини җорҗ крол билән 20 - июн күни көрүшүп, мәхсус қирғизистан - америка мунасивәтлири, болупму америка билән қирғизистан арисидики виза түзүми мәсилилиридә музакирә елип барған.
Мухбиримиз үмидвар хәвири
2008.06.22

 Қирғизистанниң "акипрес" агентлиқиниң хәвәр беришичә, қирғизистан ташқи ишлар министири америкиниң қирғизистан пуқралириға виза беришидә кәңчилик қилишини һәмдә қирғизистанниң нюйорк шәһиридә бир консулхана понкити қурушни үмид қилидиғанлиқини билдүргән. Чүнки, һазир техиму көп қирғизистан пуқралири америкиға келип оқуш, саяһәт қилиш һәм ишләшкә қизиқидикән.

Һазир қирғизистанниң америка вә канада турушлуқ баш әлчиханиси вашингтон шәһиридә болуп, бу йәрдики әлчи икки дөләт ишлириға мәсулдур. Әмма, нюйорк вә башқа шәһәрләрдә тармақ консулханилири йоқ, бирақ йеқинқи йиллардин буян америкиға келип - кетиватқан қирғизистанлиқларниң саниниң үзлүксиз түрдә көпийиши билән мундақ еһтияҗ пәйда болған.

Хәвәрдә көрситилишичә, афғанистан мәсилисини өз ичигә алған бихәтәрлик мәсилилиридә икки дөләтниң һәмкарлиқиму музакирә қилинған.

Нөвәттә, америкиниң манас айродромидики һәрбий базиси давамлиқ мәвҗут болуп, қирғизистан тәрәп бу базиниң афғанистандики вәзийәт муқимлашқанға қәдәр турушиға қошулған. Бирақ, шаңхәй гуруһи болса, америкиниң оттура асиядики базилириниң чиқип кетишини үмид қилидиғанлиқи мәлум.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.