Америка консулханисиға һуҗум қилған гумандарлар қолға елинди

Түркийә сақчилири, америкиниң истанбулдики консулханисиға һуҗум қилип түрк сақчилирини өлтүргән вә яриландурған җинайәтчиләрдин 3 ни қолға алди.
Мухбиримиз әқидә хәвири
2008-07-10
Share

 Түркийиниң ички ишлар министири аталай пәйшәнбә күни, җинайәт садир қилғучиларниң, өзини өлтүрүвелиш характерлик һуҗум қозғашни пилан қилғанлиқини билдүрүп, һуҗумниң кимләр тәрипидин пиланланғанлиқини җиддий тәкшүрүп чиқидиғанлиқини билдүрди.

Чаршәнбә күни йүз бәргән һуҗумда, 3 нәпәр сақчи вә 3 нәпәр җинайәт гумандари өлгән болуп, сақчилар әслидә мәзкүр зораванлиқниң бирәр террор тәшкилати тәрипидин пиланланғанлиқини пәрәз қилған иди. Бирақ мутәхәссисләр кичик типтики оққа тутуш һәрикитиниң террор тәшкилатлири пиланлиған һуҗумлардин пәрқлиқ икәнликини билдүрмәктә.

Америка тәрәп буниң террорлуқ һуҗум икәнликини, бирақ америка консулханиси бу қетимқи һуҗумниң нишани яки әмәслики һәққидә техи ениқ бир йәкүн чиқирилмиғанлиқини тәкитлиди.

Вәқәни өз көзи билән көргүчиләрниң ейтишичә, қоралланған үч киши аптомобилдин чүшүпла, америка әлчиханиси ишикидә поста туруватқан түрк сақчилириға қаритип оқ чиқарған болуп, қайтурма һуҗумға өткән түрк сақчилири 3 кишини нәқ мәйданда етип өлтүргән, йәнә бир җинайәт гумандари қечип кәткән иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт