خىزبۇللا بىلەن ئىسرائىلىيە تۇنجى قېتىم ئالماشتۇرۇش ئېلىپ باردى

يەكشەنبە كۈنى لىۋاندىكى ھىزبۇللا پارتىيىسى قىزىل كىرست جەمئىيىتى ئارقىلىق بۇنىڭدىن ئىككى يىل ئىلگىرىكى ھىزبۇللا پارتىيىسى بىلەن ئىسرائىلىيە ئارىسىدا يۈز بەرگەن ئۇرۇش جەريانىدا ئۆلتۈرۈلگەن ئىككى نەپەر ئىسرائىلىيە ھەربىي خادىمىنىڭ جەسەت قالدۇقلىرىنى ئىسرائىلىيە ھۆكۈمىتىگە تاپشۇرۇپ بەردى.
مۇخبىرىمىز ئۈمىدۋار خەۋىرى
2008-06-01
Share

 ب ب س ئاگېنتلىقىنىڭ خەۋەر قىلىشىچە، بۇنىڭغا جاۋابەن ئىسرائىلىيە تەرەپمۇ جاسۇسلۇق جىنايىتى بىلەن ئەيىبلىنىپ ئالتە يىللىق قاماق جازاسىغا ھۆكۈم قىلىنغان ھىزبۇللانىڭ بىر نەپەر ئەزاسىنى تۈرمىدىن بوشىتىپ قايتۇرۇپ بەرگەن.

نەسىر ئىسىملىك مەزكۇر ھىزبۇللا ئەزاسى، ئەسلىدە لىۋاندا تۇغۇلغان بولۇپ، كېيىن ئىسرائىلىيە پۇقراسى بولغان. بۇ قېتىم ئىسرائىلىيە ھۆكۈمىتى ئۇنى قايتۇرۇپ بەرگەندە ئۇنىڭ پۇقرالىقىنى بىكار قىلغان. بىراق ئۇ، لىۋانلىقلار تەرىپىدىن قىزغىن قارشى ئېلىنغان. بۇ، 2006 - يىلىدىكى ئۇرۇشتىن كېيىن، ئىككى تەرەپ ئارىسىدا تۇنجى قېتىم ئېلىپ بېرىلغان ئالماشتۇرۇش ھېسابلىنىدىكەن.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت