Иран һөкүмити исраилийини хәлқара қанунларға хилаплиқ қилиш билән әйиблиди

Өткән җүмә күни исраилийиниң қатнаш - транспорт министири шаул мофаз, әгәр иран ядро қораллирини тәрәққи қилдурушни тохтатмиса, исраилийиниң иранға өз алдиға һуҗум қозғишидин сақланғили болмайдиғанлиқини билдүрди.
Мухбиримиз җүмә хәвири
2008-06-09
Share

 Исраилийиниң қатнаш - транспорт министириниң бу көз қарашлири җиддий инкасларни қозғиған болсиму, әмма исраилийә һөкүмәт даирилири мәзкур исраилийә әмәлдариниң бу хил мәйданиниң дөләт сияситини әкс әттүрәлмәйдиғанлиқини җакарлиған.

Исраилийигә җайлашқан "йәһуди хәвәрләр тори" бетидә хәвәр қилишичә, исраилийиниң муавин дөләт мудапиә министири матан вилнаи бир ақил сиясийонниң исраилийиниң истратегийилик сиясити һәққидики пикирләрдә сүкүттә туруши вә бихәтәрлик мәсилисидики ишларни бу ишқа бивастә алақидар орунларға қоюветиши керәкликини билдүргән.

Мофазниң баянатчиси таял сомәчму юқириқи пикирләрниң пәқәт мофазниң шәхси көз қариши икәнликини билдүргән болсиму, әмма мәзкур әмәлдарниң иран һәққидә ейтқан баянлириға қарита иран һөкүмити җиддий инкас қайтурған болуп, иран һөкүмити исраилийини хәлқара қанунларға хилаплиқ қилиш билән әйиблигән һәмдә бирләшкән дөләтләр тәшкилати бихәтәрлик кеңишидин бу ишқа дәрһал һәрикәт қоллинишни тәләп қилған.

Исраилийә әмәлдари шаул мофазниң юқирида ейтқанлири хәлқара атом енергийә оргининиң башлиқи моһамәд әл барадеиниң әйиблишигә учриған болуп, у һазир иран ядро мәсилисидә муһим өзгириш ясаш алдида турғанлиқини һәмдә өз алдиға һәрбий һәрикәт қоллинишниң хәлқаралиқ келишимләргә хилап икәнликини билдүргән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт