Isra'iliye 199 neper pelestinlik mehbusni düshenbe küni qoyup béridu

Isra'iliye da'iriliri düshenbe künidin tartip, 199 neper pelestinlik mehbusni qoyup béridighanliqini élan qilghan bolup, mehbuslarning tizimlikidiki ikki kishi özgiche iken, bular fatah partiyisining ezasi muhemmed ebu ali bilen seyid er atibadur.
Muxbirimiz ümidwar xewiri
2008-08-24
Share

 Bu ikki kishige, isra'iliyiklerge hujum qilip, adem ölüshini keltürüp chiqarghan dégendek jinayetlerni artilip, muddetsiz qamaq jazasigha höküm qilin'ghan iken.

Pelestin hökümitining re'isi maxmud abbas isra'iliyining bu qedimige razi bolghanliqini bildürgen bolup, chünki isra'iliye rehberliri bu qararni bu ayning béshida maxmud abbas bilen ötküzülgen söhbet jeryanida alghan hemde wede bergen iken.

Közetküchiler isra'iliyining bu qedimining pelestin bilen isra'iliye hökümiti arisida tinchliqni öz ichige algha keng da'irilik bir kélishimning imzalinishi üchün paydiliq ikenlikini otturigha qoyushmaqta.

Pelestin mesilisini hel qilish üchün tirishchanliq körsitiwatqan amérika tashqi ishlar ministiri rayis xanim düshenbe küni isra'iliye we pelestin'ge bérip, ikki terep rehberliri bilen tinchliq we kélishim mesililiri muzakire qilidiken.




Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet