Русийә түркийиниң бир қисим йеза игилик мәһсулатлириға чәк қойди

Русийә яза игилик даирилири 7 - июндин етибарән түркийидин русийигә елип кирилидиған бир қисим йеза игилик мәһсулатлирини русийигә киргүзмәсликни қарар қилған болуп, русийиниң хәвәрләр агентлиқиниң учуриға асасланғанда, бу чәк қоюш пәқәт вақитлиқ характериға игидур. Әмма қачандин башлап йәнә қайтидин киргүзүшкә рухсәт қилиниду? бу техи намәлум.
Мухбиримиз үмидвар хәвири
2008-06-01
Share

 Хәвәргә қариғанда, русийә асаслиқи түркийиниң пәмидур қиями, картошка қатарлиқ көктатлиридин башқа йәнә үзүм вә лимон қатарлиқ мевилириниң русийигә елип кирилип сетилишини тосуп қойған.

Интерфакис агентлиқи, русийиниң мундақ чәк қоюшидики асаслиқ сәвәбниң түркийиниң 2008 - йилидин башлап русийигә киргүзгән бир қисим йеза игилик мәһсулатлириниң химийилик маддиларни ишлитиш миқдари русийә өлчимидин юқири һәмдә русийиниң саламәтлик вә пакизлиқ өлчимигә тошмиғанлиқида икән.

Мәлумки, түркийә совет иттипақи йимирилгәндин буян русийә базарлирини мевә - чевә, көктат мәһсулатлири билән тәминләйдиған муһим дөләткә айланған болуп, бу мәһсулатларни түркийиликләрла әмәс, һәтта русийилик тиҗарәтчиләр өзлириму елип кириду, түркийиниң йеза игилик мәһсулатлири асаслиқи, москва қатарлиқ чоң шәһәрләрни тәминләш ролини ойнимақта.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт