Peyziwat térimda ikki Uyghur yashning saqchi teripidin étiwétilgenlik xewiri delillendi

Muxbirimiz shöhret hoshur
2016-01-06
Share
uyghur-baqqal-saqchi-oq.jpg Saqchilar Uyghur baqqalgha oq chiqirip yarilandurghan körünüsh. 2013-Yili séntebir, ürümchi.
Social Media

Ötken hepte shiwétsiyediki sherqi türkistan teshwiqat merkizi peyziwatning térim yézisida ikki neper Uyghur yashning bir saqchi teripidin étiwétilgenlikini xewer qildi.

Xewerde weqening bir ay awwal bir meschit aldida yüz bergenliki, oq chiqarghan xadimning peyziwatta wezipe ötewatqan atushluq bir saqchi ikenliki tilgha élin'ghan bolsimu, weqening bashqa tepsilati tilgha élinmighan idi. Bügün muxbirimiz peyziwatqa téléfon qilip ahale we saqchi xadimliridin bu heqte melumat igilidi. Netijide mezkur weqening bir jüme künlükte yüz bergenliki peyziwatning güllük yéza saqchixanisigha tewe bir saqchi xadimi teripidin delillendi.

Peyziwat térim meschiti aldida ikki neper Uyghur yashning, bir xitay saqchisi teripidin étiwétilgenliki aydinglashqan bolsimu, emma meschit aldida ikki terep arisida dawam qilghan talash-tartishning tepsilati, shundaqla weqe sadir qilghan xitay saqchisi bilen weqede ziyankeshlikke uchrighan ikki Uyghur yashning éniq kimliki téxi aydinglashmidi.

Yuqiridiki awaz ulinishidin muxbirimiz ning bu heqte teyyarlighan programmisining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet