Xitay da'iriliri bügün yene 10 Uyghurgha ölüm jazasi berdi

Xitay da'iriliri ürümchi weqesige chétishliq dep qarilan'ghanlardin yene 10 kishige ölüm jazasi berdi. Ürümchi sheherlik hökümetning bayanatchisi ma shingchu'enning fransiye agéntliqigha bildürüshiche, ürümchi ottura sot mehkimisi seyshenbe we charshenbe künliri 22 neper kishi üstidin sot échip, 5 kishige ölüm jazasi bergen we yene 5 kishige bolsa ikki yil kéchiktürüp ijra qilinidighan ölüm jazasi bérilgen.
Muxbirimiz irade
2009.12.24

Ma shingchu'enning bildürüshiche yene, bu kishilerdin 8 nepiri muddetsiz qamaq jazasigha, qalghan 4 nepiri ayrim - ayrim halda 10 yilliq we uningdin yuqiri muddetlik qamaq jazalirigha höküm qilin'ghan.

Emma u bu kishilerning jinayiti we ularning isimlirini tepsili dep bérishtin özini tartqan. Fransiye agéntliqining xewiridin qarighanda, ölümge höküm qilin'ghan 5 neper kishining hemmisi Uyghur iken.

Shundaq bolghanda, xitay da'iriliri hazirghiche ölüm jazasigha buyrighan kishilerning sani jem'iy 22 neperge yetti. Bularning ichide 9 nepirining ölüm jazasi noyabirda ijra qilin'ghan idi.

5 - Iyul ürümchi weqesige alaqidar sotlar échilishqa bashlighandin béri, gerche xelq'ara insan heqliri teshkilatliri izchil halda xitay sotlirini ochuq - ashkara bolushqa we sot tertipide adil bolushqa chaqirip kéliwatqan bolsimu, emma xitay yenila bu chaqiriqlargha qulaq salmay kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.