Uyghur élida yene atalmish qanunsiz diniy pa'aliyetlerge qarshi 100 künlük zerbe bérish herikiti bashlandi

Radi'omizning igilishiche, Uyghur élida mushu ayning 20 - küni atalmish qanunsiz diniy pa'aliyetlerge qarshi 100künlük qattiq zerbe bérish herikiti bashlan'ghan. Zerbe bérish herikiti dawamida uyghir élining herqaysi wilayet, oblast we nahiyiliride kishilerning diniy erkinlikini boghidighan we kishilik hoquqini depsende qilidighan türlük qa'ide - tüzüm jazalash tedbirliri yolgha qoyulghan.
Muxbirimiz shöhret hoshur
2011.11.28

Bularning ichide xotenning qariqash nahiyilik yer bayliqliri idarisi, öz ishchi, xizmetchiliri we ularning a'ile tawabatlirini, qoyuq diniy tüs béridighan kiyim - kécheklerni keymeslikke agahlandurghan we xilapliq qilghuchilargha 1000yüendin 3000yüen'ge qeder jerimane qoyidighanliqini uqturghan. Qeshqer wilayitidiki bir qisim yéza we kentlerde, atalmish qanunsiz diniy pa'aliyetlerni pash qilghuchilargha 5 yüendin 20 ming yüen'ge qeder mukapat bérish tüzümini yolgha qoyghan. Shayar nahiylik statistika idarisi atizim yeni dinsizlashturush terbiyisi heqqide seperwerlik yighini achqan. Yighinda qanunsiz diniy pa'aliyetning 26 alamiti sherhilep ötülgen.

Dunya Uyghur qurultiyining bayanatchisi dilshat rishit bügün bu heqte radi'omizgha bayanat bérip, xitay da'irilirining yuqiriqi qa'ide we tedbirlirini “Sherqi türkistan weziyitining hélihem jiddiylikining bir ipadisi” dep körsetti. U yene xitay hökümitini hakimiyet bashqurush jehettiki iptida'iyliqi bilen eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.