21 Талибан милитани афғанистан миллий армийиси вә афғанистандики иттипақдаш армийә қисимлири тәрипидин өлтүрүлгән

Афғанистан һөкүмитиниң хәвәр қилишичә, җүмә күни афғанистан миллий армийиси вә афғанистандики иттипақдаш армийә қисимлири тәрипидин талибан қалдуқлириға қарши афғанистанниң һәрқайси җайлирида елип берилған һәрикәтләрдә 21 талибан милитани өлгән.
Мухбиримиз өмәр қанат
2008-10-04
Share

Афғанистан президенти һамит карзайниң афғанистандики урушни тохтитиш үчүн талибанлар билән сөһбәт өткүзүш тоғрисида елип бериватқан һәрикити җиддий тосқунлуқларға дуч кәлмәктә.

Талибанлар ниң баянатчиси қари йүсүп әхмәди, афғанистанда чәтәл һәрбий қисимлири мәвҗут болуп турған әһвал астида талибанларниң афғанистан һөкүмити билән сөһбәткә олтурмайдиғанлиқини җакарлиди. У шундақла сөһбәттин бурун афғанистан һөкүмити сәмимийитини вә яхши нийитини көрситиш үчүн түрмидики барлиқ талибан тәрәпдарлирини қоюп бериши керәк, дәп көрсәтти.

Афғанистан президенти һамит карзай, әгәр талибанлар афғанистан һөкүмитигә қарши һәрикитини тохтатса, пүтүн талибан җәңчилирини һәтта талибанларниң рәһбири молла өмәрни кәчүрүм қилидиғанлиқини җакарлиған иди.

Бу арида җүмә кечиси америкиниң җасуслуқ айропилани тәрипидин пакистанниң шималий вәзиристан райониға җайлашқан муһәммәт хел йезисидики бир өйгә қарши башқурулидиған бомба һуҗумида аз дегәндә 21 киши өлгән болуп, өлгәнләр арисида чәтәлликләрму бар икән.

Роейтерс агентлиқиниң пакистан разветка хадимлириниң сүзлирини нәқил кәлтүрүшичә, һуҗумда өлгән чәтәлликләрниң кимликлири вә қайси дөләткә мәнсуп икәнлики техи ениқланмиған болсиму, уларниң әрәп милитантлири болуши мумкинлики пәрәз қилинмақта.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт