Афғанистанниң җәнубий вә шәрқий районлирида елип берилған һәрбий һәрикәтләрдә 20 дин артуқ милитант вә икки афған әскири өлгән

Афғанистан һөкүмәт даирилириниң билдүрүшичә, җүмә күни афғанистанниң җәнубий вә шәрқий районлирида афған миллий армийиси вә афғанистандики иттипақдаш армийә қисимлири тәрипидин елип берилған һәрбий һәрикәтләрдә 20 дин артуқ милитант вә икки афған әскири өлгән.
Мухбиримиз өмәр қанат
2008-11-01
Share

Хәвәрләргә қариғанда, афғанистандики талибан қалдуқлири афған миллий армийиси вә афғанистандики иттипақдаш армийә қисимлириға қаратқан һуҗумлирини күнсери күчәйтиватқан болуп, нөвәттә афғанистанда паалийәт елип бериватқан 70 миң әтрапидики иттипақдаш армийә қисимлири, талибанларниң һуҗумлириниң алдини елип афғанистанда тинчлиқни қайтидин тикләштә қийинчилиқларға дуч кәлмәктә. Шуңа ирақтики бир қисим әскәрлирини афғанистанға йөткәшкә башлиған америка һөкүмити, афғанистанға әскәр әвәткән дөләтләрдин, һәрбий қисимлирини көпәйтишни тәләп қилмақта.

Бәзи мутәхәссисләр, йеқинда америка мәркизи қоманданлиқ штабиниң баш қоманданлиқ вәзиписигә тәйинләнгән, америкиниң ирақтики һәрбий қисимлирини баш қомандани генрал девд петрос, ирақтики тәҗрибилиридин пайдилинип, афғанистандики мәвҗут өзгәртиши мумкин дейишмәктә.

Көпчиликкә мәлум болғандәк, генрал девд петрос президент буш тәрипидин ирақтики америка һәрбий қисимлириниң баш қомандани болуп тәйинләнгәндин кейин, ирақтики қаршилашқучи күчләр қаттиқ зәрбиләргә учрап ирақниң вәзийитидә көзгә көрүнәрлик бир илгириләш мәйданға кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт