Afghanistanning jenubiy we sherqiy rayonlirida élip bérilghan herbiy heriketlerde 20 din artuq militant we ikki afghan eskiri ölgen

Afghanistan hökümet da'irilirining bildürüshiche, jüme küni afghanistanning jenubiy we sherqiy rayonlirida afghan milliy armiyisi we afghanistandiki ittipaqdash armiye qisimliri teripidin élip bérilghan herbiy heriketlerde 20 din artuq militant we ikki afghan eskiri ölgen.
Muxbirimiz ömer qanat
2008-11-01
Share

Xewerlerge qarighanda, afghanistandiki taliban qalduqliri afghan milliy armiyisi we afghanistandiki ittipaqdash armiye qisimlirigha qaratqan hujumlirini künséri kücheytiwatqan bolup, nöwette afghanistanda pa'aliyet élip bériwatqan 70 ming etrapidiki ittipaqdash armiye qisimliri, talibanlarning hujumlirining aldini élip afghanistanda tinchliqni qaytidin tikleshte qiyinchiliqlargha duch kelmekte. Shunga iraqtiki bir qisim eskerlirini afghanistan'gha yötkeshke bashlighan amérika hökümiti, afghanistan'gha esker ewetken döletlerdin, herbiy qisimlirini köpeytishni telep qilmaqta.

Bezi mutexessisler, yéqinda amérika merkizi qomandanliq shtabining bash qomandanliq wezipisige teyinlen'gen, amérikining iraqtiki herbiy qisimlirini bash qomandani génral déwd pétros, iraqtiki tejribiliridin paydilinip, afghanistandiki mewjut özgertishi mumkin déyishmekte.

Köpchilikke melum bolghandek, génral déwd pétros prézidént bush teripidin iraqtiki amérika herbiy qisimlirining bash qomandani bolup teyinlen'gendin kéyin, iraqtiki qarshilashquchi küchler qattiq zerbilerge uchrap iraqning weziyitide közge körünerlik bir ilgirilesh meydan'gha kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet