Афғанистандики бирләшмә армийә 10 нәпәр талибан пидайисини өлтүрди

Нато вә афғанистан һөкүмәт күчлирини өз ичигә алған бирләшмә армийә билән талибанлар оттурисидики тоқунушлар давамлашмақта.
Мухбиримиз үмүдвар
2010-05-09
Share

Америка авазиниң хәвәр қилишичә, афғанистанниң җәнубидики һират өлкисидики талибанлар шу йәрдики һөкүмәткә тәвә йәрлик қоғдиғучилардин төт нәпирини өлтүрүвәткән. Чүнки, мәзкур йәрлик қоғдиғучилар уларниң бирләшмә армийигә һуҗум қилиш пилани һәққидә учурға игә болуп, бу һәқтә тәкшүрүш елип барған иди.

Нәтиҗидә, нато вә афғанистан һөкүмәт қошунлиридин түзүлгән бирләшмә армийә йәрлик қоғдиғучи хадимларни өлтүргән талибанларға һуҗум қилип, уларниң он нәпирини йоқатқан.

Афғанистан президенти һамид карзай бу һәптә вашингтонни зиярәт қилип, президент барак обама билән афғанистанниң бихәтәрлики вә башқа бир қатар мәсилиләрни музакирә қилмақчи. Буниңдин илгири һамид карзай талибанларни уруш тохтитип, афғанистан һөкүмити билән сөһбәтлишишкә чақирип, уларни мувапиқ орунлаштуридиғанлиқини билдүргән болсиму, бирақ талибанлар буни рәт қилип, өзлириниң қаршилиқлири вә һуҗумлирини давамлаштурмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт