Afghanistandiki birleshme armiye 10 neper taliban pidayisini öltürdi

Amérika awazining xewer qilishiche, afghanistanning jenubidiki hirat ölkisidiki talibanlar shu yerdiki hökümetke tewe yerlik qoghdighuchilardin töt nepirini öltürüwetken. Chünki, mezkur yerlik qoghdighuchilar ularning birleshme armiyige hujum qilish pilani heqqide uchurgha ige bolup, bu heqte tekshürüsh élip barghan idi.

Netijide, nato we afghanistan hökümet qoshunliridin tüzülgen birleshme armiye yerlik qoghdighuchi xadimlarni öltürgen talibanlargha hujum qilip, ularning on nepirini yoqatqan.

Afghanistan prézidénti hamid karzay bu hepte washin'gtonni ziyaret qilip, prézidént barak obama bilen afghanistanning bixeterliki we bashqa bir qatar mesililerni muzakire qilmaqchi. Buningdin ilgiri hamid karzay talibanlarni urush toxtitip, afghanistan hökümiti bilen söhbetlishishke chaqirip, ularni muwapiq orunlashturidighanliqini bildürgen bolsimu, biraq talibanlar buni ret qilip, özlirining qarshiliqliri we hujumlirini dawamlashturmaqta.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar