ئافغانىستاننىڭ كابۇل شەھىرىدىكى ئوت ئاپىتىدە 600 دۇكان كۆيۈپ كەتتى

خەۋەرلەردىن مەلۇم بولۇشىچە، ئوت ئاپىتى نەتىجىسىدە كابۇل شەھىرىنى ئىس - تۈتەكلەر قاپلىغان. مەزكۇر ئاپەتتە بىر قانچە مىليون دوللار زىيان تارتىلغانلىقى پەرەز قىلىنماقتا. ئەمما، بۇ ئوت ئاپىتىدە ئادەم ئۆلۈش ۋە يارىلىنىش ۋەقەسى سادىر بولمىغان. ئوت ئاپىتى باشلىنىش بىلەن تەڭ كىشىلەر پۇللىرىنى ئېلىپ بازارنى تاشلاپ قېچىپ كەتكەن.

بۇنداق چوڭ بازارلارنىڭ كۆيۈپ كېتىش ئىلگىرى پارۋان ۋىلايىتىنىڭ چارىكان شەھرىدىمۇ يۈز بەرگەن بولۇپ ئونلاپ دۇكانلار كۆيگەن. نۆۋەتتە، كابۇلدىكى مەزكۇر ئىككى چوڭ بازارنىڭ كۆيۈش ۋەقەسى تەكشۈرۈلمەكتە، بەزىلەر ئۇنىڭ توك يولىدىن كېلىپ چىققان بولۇشى مۇمكىنلىكىنى پەرەز قىلماقتا. ھازىرچە بۇ بازاردا خىتاي، ئۇيغۇر ۋە باشقا ئەللەر سودىگەرلىرىنىڭ دۇكانلىرىنىڭ بار يوقلۇقى ھەققىدە ئۇچۇر مەلۇم ئەمەس.