Afghanistanning kabul shehiridiki ot apitide 600 dukan köyüp ketti

Afghanistanning paytexti kabul shehiridiki ikki chong bazarda yekshenbe küni ot apiti yüz bérip, 600 din artuq dukan köyüp ketken. B b s agéntliqining xewer qilishiche, pütünley kiyim - kéchek sodisi qilinidighan mezkur ikki bazarda shenbe küni ot apiti bashlan'ghan bolup, ot apiti yekshenbe küni chüshkiche dawamlashqan.
Muxbirimiz ümidwar
2012.12.23


Xewerlerdin melum bolushiche, ot apiti netijiside kabul shehirini is - tütekler qaplighan. Mezkur apette bir qanche milyon dollar ziyan tartilghanliqi perez qilinmaqta. Emma, bu ot apitide adem ölüsh we yarilinish weqesi sadir bolmighan. Ot apiti bashlinish bilen teng kishiler pullirini élip bazarni tashlap qéchip ketken.

Bundaq chong bazarlarning köyüp kétish ilgiri parwan wilayitining charikan shehridimu yüz bergen bolup onlap dukanlar köygen. Nöwette, kabuldiki mezkur ikki chong bazarning köyüsh weqesi tekshürülmekte, beziler uning tok yolidin kélip chiqqan bolushi mumkinlikini perez qilmaqta. Hazirche bu bazarda xitay, Uyghur we bashqa eller sodigerlirining dukanlirining bar yoqluqi heqqide uchur melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.