ئامېرىكا دۆلەت مەجلىسى ھەيئىتى خىتايدىكى زىيارىتىنى داۋام قىلماقتا

ئامېرىكا دۆلەت مەجلىسىدىكى كۈچلۈك ئەزالاردىن تەركىب تاپقان ئون كىشىلىك ھەيئەت خىتايدىكى رەسمىي زىيارىتىنى داۋام قىلماقتا.
مۇخبىرىمىز ئىرادە
2011-04-21
Share

پارلامېنت ئەزاسى ھاررىي رېيېد باشچىلىقىدىكى ھەيئەت پەيشەنبە كۈنى خىتاي خەلق قۇرۇلتىيىنىڭ رەئىسى ۋۇ باڭگو ۋە مۇئاۋىن دۆلەت باشلىقى شى جىنپىڭلار بىلەن ئۇچراشقان.

ئۇچرىشىشتا ئىككى تەرەپنىڭ تىجارەت ۋە ئىنسان ھەقلىرىگە ئوخشاش مۈشكۈل تېمىلاردا سۆزلەشكەنلىكى بىلدۈرۈلمەكتە.

فرانسىيە ئاگېنتلىقىنىڭ خەۋەر قىلىشىچە، بۇ ھەيئەت چارشەنبە كۈنىدىكى ئۇچرىشىشلىرىدا خىتاينىڭ تاشقى ئىشلار مىنىستىرى ياڭ جېچى قاتارلىق بىر قىسىم خىتاي ئەمەلدارلىرى بىلەن سۆھبەتلەشكەن.

ئۇچرىشىشتا خەلقئارا تىجارەت، بىخەتەرلىك قاتارلىق مەسىلىلەردىن باشقا، كىشىلىك ھوقۇق مەسىلىسىنىمۇ ئالاھىدە ئوتتۇرىغا قويۇلغان. ئەمما كونكرېت نېمىلەرنىڭ ئوتتۇرىغا قويۇلغانلىقى ئاشكارىلانمىغان.

بۇ زىيارەت، خىتاي دائىرىلىرىنىڭ ياسىمەن گۈلى ھەرىكىتىنىڭ ئالدىنى ئېلىش ئۈچۈن خەلق ئۈستىدىكى بېسىم ۋە تەقىب قىلىشنى ئاشۇرۇۋاتقان مەزگىلگە توغرا كەلدى. بۈگۈن ئامېرىكا تاشقى ئىشلار مىنىستىرلىقى خىتاينىڭ كىشىلىك ھوقۇق ئاكتىپلىرى ئۈستىدىن ئېلىپ بېرىۋاتقان بۇ بېسىمىنىڭ كىشىنى ئەندىشىگە سالىدىغانلىقىنى قايتا تەكىتلەپ، خىتاينى قولغا ئېلىنغان كىشىلىك ھوقۇق ئاكتىپلىرىنى قويۇۋېتىشكە چاقىردى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت