Amérika dölet mejlisi hey'iti xitaydiki ziyaritini dawam qilmaqta

Amérika dölet mejlisidiki küchlük ezalardin terkib tapqan on kishilik hey'et xitaydiki resmiy ziyaritini dawam qilmaqta.
Muxbirimiz irade
2011-04-21
Share

Parlamént ezasi harriy réyéd bashchiliqidiki hey'et peyshenbe küni xitay xelq qurultiyining re'isi wu banggo we mu'awin dölet bashliqi shi jinpinglar bilen uchrashqan.

Uchrishishta ikki terepning tijaret we insan heqlirige oxshash müshkül témilarda sözleshkenliki bildürülmekte.

Fransiye agéntliqining xewer qilishiche, bu hey'et charshenbe künidiki uchrishishlirida xitayning tashqi ishlar ministiri yang jéchi qatarliq bir qisim xitay emeldarliri bilen söhbetleshken.

Uchrishishta xelq'ara tijaret, bixeterlik qatarliq mesililerdin bashqa, kishilik hoquq mesilisinimu alahide otturigha qoyulghan. Emma konkrét némilerning otturigha qoyulghanliqi ashkarilanmighan.

Bu ziyaret, xitay da'irilirining yasimen güli herikitining aldini élish üchün xelq üstidiki bésim we teqib qilishni ashuruwatqan mezgilge toghra keldi. Bügün amérika tashqi ishlar ministirliqi xitayning kishilik hoquq aktipliri üstidin élip bériwatqan bu bésimining kishini endishige salidighanliqini qayta tekitlep, xitayni qolgha élin'ghan kishilik hoquq aktiplirini qoyuwétishke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet