Amérika Uyghur birleshmisi amérika kishilik hoquq söhbet ömikidin Uyghurlar nöwette duch kéliwatqan mesililerni otturigha qoyushni telep qildi
2011.04.27
Amérika-xitay kishilik hoquq söhbiti bügün xitayning béyjing shehiride bashlandi. Amérika terep wekiller ömikini amérika dölet ishlar ministirliqining démokratiye, kishilik hoquq we emgek ishlirigha mes'ul mu'awin ministiri maykil posnér bashlap barghan.
Amérika Uyghur birleshmisi bu heqte élan qilghan axbaratqa qarighanda, amérika söhbet ömikidin 2009-yilidiki “5-Iyul weqesi” din kéyin türmige tashlan'ghan namayishchilar, tor bashqurghuchi we zhurnalistlar mesilisini xitayning semige sélish telep qilin'ghan.
Amérika Uyghur birleshmisi axbaratida, amérika wekiller ömikining xitay tereptin “5-Iyul weqesi” ning aldi-keynide qolgha élin'ghan, yoqap ketken yaki jazagha tartilghanlarning heqiqiy sanini ochuq élan qilishni telep qilishining intayin zörürlükini tekitligen.
Amérika Uyghur birleshmisi yene, wekiller ömikidin xitay terep bilen sözliship, xitayda turushluq amérika elchixanisi xadimlirining rabiye qadir xanimning xitay türmisidiki perzentliri bilen körüshüshini qolgha keltürüshni telep qilghan.
Köp körülgen xewerler
RFA
- Memet éziz sadiq türkiye sotida xitay üchün jasusluq qilish jinayiti bilen eyiblinip 12 yilliq qamaqqa höküm qilin'ghan
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Qeshqer peyziwatta ahaliler roza tutmaywatqanliqi heqqide mes'ul kadirlargha ispat yollashqa mejburlan'ghan
- Firansiye metbu'atliri: xitayning dilnur reyhan üstidin erz qilishi edliye jehettin parakendichilik sélishtur
- Ma shingruy: “Amérikaning shinjanggha yürgüzgen émbargosi 144 din artuq karxanigha tesir qildi”