Amérika-xitay istratégiye-iqtisad di'alogi düshenbe küni bashlandi

Lékin birleshme agéntliqi düshenbe künki xewiride tereplerning bösüsh xaraktérlik ilgirilesh hasil qilishining qiyinliqini tekitligen.

Amérika dölet ishlar ministiri hillariy klinton xanim di'alogning échilish murasimida söz qilip  “Bizning öz-ara bir-birimizni chüshinish, öz-ara ishench turghuzushni algha sürüp, bir-birimizni xata chüshiniwélish we xata mölcherleshning aldini élish xizmiti téxi bashlan'ghuch nuqtida.

Biz hemmimiz bilimiz, ensizlik we bir-birimizge bolghan tonush her ikki terepke xas bolghan nerse” dep körsetti.

Kishilik hoquq  di'alogdiki bir qeder qiyin nuqtilarning biridur. Amérika xitayning yéqindin buyan öktichi zatlar, diniy erkinlik we az sanliq milletlerge zerbe bérishni kücheytkenlikini eyiblep, özining bu jehettiki naraziliqi we endishisini köp qétim tekitlep ötken idi.

Klinton xanim échilish murasimidiki nutqida bu mesilini tilgha élip “Biz kishilik hoquq mesilisidiki endishimizni ashkara we xususi qanallar arqiliq éniq otturigha qoyup kelduq. Biz buning amérika ichki siyasiti we shundaqla xitay we rayon muqimliqigha körsitidighan tesiridin endishe qilimiz.

Biz kishilerning jümlidin xelq hoquqi pa'aliyetchiliri, adwokatlar, yazghuchi, sen'etchiler we bashqilarning tutqun'gha uchrighanliqi, iz‏-déreksiz yoqap ketkenlikige da'ir xewerlerdin waqip bolduq.

Biz tarixiy tejribilerdin kishilik hoquqqa hörmet qilghan jem'iyetlerning güllinidighanliqi, muqimliqqa érishidighanliqi we muweppeqiyetlik bolidighanliqini bilimiz” dédi.

Xewerlerde prézidént obamaning bügün di'alog ötküzüwatqan terepler bilen körüshidighanliqi bildürüldi.