Америка афғанистанни “натоға тәвә болмиған әң муһим иттипақдаш” дәп бекитти

Америка дөләт ишлар министири һиларий клинтон ханим шәнбә күни кабулда америка қошма штатлириниң афғанистанни “натоға тәвә болмиған әң муһим иттипақдаш” дәп бекиткәнликини җакарлиди.
Мухбиримиз җүмә
2012.07.07
Share on WhatsApp
Share on WhatsApp


Мәзкур қарар уруш вәйранчилиқиға учриған афғанистанниң америка чекинип чиқип кәткәндин кейинки бихәтәрликини капаләткә игә қилишта интайин муһим әһмийәткә игә икән.

Клинтон ханим шәнбә күни афғанистан пайтәхти кабулда афғанистан перизиденти һамит карзаи билән биллә нашта қилған вә наштидин кейин чақирилған мухбирларни күтүвелиш йиғинида америкиниң юқириқи қарарини шәрһлиди.

Клинтон ханим мундақ деди: биз буни афғанистанниң кәлгүсигә болған садақитимизниң символи, дәп тонуймиз.

У йәнә мундақ деди: бу хилдики мунасивәт биз чекинип чиққандин кейин техиму мәнпәәт қилиду, дәп қараймиз. Америка афғанистанни ташлап қоймайду; әксичә афғанистан билән мәңгүлүк мунасивәт һәмкарлиқи орнитиду.

Америка илгири японийә, австралийә, исраилийә, мисир вә йеңи зелландийә қатарлиқлар дөләтләрниму “натоға тәвә болмиған әң муһим иттипақдаш” дәп бекиткән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.