Amérika afghanistanni “Natogha tewe bolmighan eng muhim ittipaqdash” dep békitti

Mezkur qarar urush weyranchiliqigha uchrighan afghanistanning amérika chékinip chiqip ketkendin kéyinki bixeterlikini kapaletke ige qilishta intayin muhim ehmiyetke ige iken.

Klinton xanim shenbe küni afghanistan paytexti kabulda afghanistan périzidénti hamit karza'i bilen bille nashta qilghan we nashtidin kéyin chaqirilghan muxbirlarni kütüwélish yighinida amérikining yuqiriqi qararini sherhlidi.

Klinton xanim mundaq dédi: biz buni afghanistanning kelgüsige bolghan sadaqitimizning simwoli, dep tonuymiz.

U yene mundaq dédi: bu xildiki munasiwet biz chékinip chiqqandin kéyin téximu menpe'et qilidu, dep qaraymiz. Amérika afghanistanni tashlap qoymaydu؛ eksiche afghanistan bilen menggülük munasiwet hemkarliqi ornitidu.

Amérika ilgiri yaponiye, awstraliye, isra'iliye, misir we yéngi zéllandiye qatarliqlar döletlernimu “Natogha tewe bolmighan eng muhim ittipaqdash” dep békitken idi.