Обама, америка - әзәрбәйҗан мунасивәтлирини илгири сүрүштә үмидлик икәнликни билдүрди

Америка президенти обама америка - әзәрбәйҗан мунасивәтлиридә бәзи қийинчилиқлар мәвҗут болсиму, америка - әзәрбәйҗан мунасивәтлирини илгири сүрүштә йәнила үмидлик икәнликини билдүргән.
Мухбиримиз җүмә
2010.06.07
Share on WhatsApp
Share on WhatsApp

Обама бу һәқтики мәйданини әзәрбәйҗанда зиярәттә болуватқан америка мудапиә министири роберт гейтис арқилиқ йоллиған мәктубида оттуриға қойған.

Америка дөләт мудапиә министири роберт гейтис йәкшәнбә күни президент обаманиң бу һәқтики мәктупини әзәрбәйҗан президенти илһам әлийевқа тапшурған.

Обама хетидә әзәрбәйҗан - америка һәмкарлиқини тәриплигән вә әзәрбәйҗанниң америка афғанистанда елип бериватқан уруш үчүн һава вә қуруқлуқ армийә базилирини арийәткә бәргәнликидин миннәтдар икәнликини билдүргән.

Обама хетидә: "мунасивәтлиримиздә бәзи кәскин мәсилиләрниң мәвҗут икәнликидин хәвәрдармән, әмма бу мәсилиләрни һәл қилип кетәләйдиғанлиқимизға ишәнчим камил" дегән.

Америка 2001 - йили афғанистандики талибан һөкүмитигә қарши җәң елан қилғандин кейин, әзәрбәйҗан һөкүмити америка айропиланлириниң әзәрбәйҗан һава бошлуқидин вә бир қисим бирләшмә қошун қисимлириниң әзәрбәйҗан туприқидин өтүшигә рухсәт қилған.

Һалбуки, америка даирилири кишилик һоқуқ вә ахбарат әркинлики мәсилисидә әзәрбәйҗанни әйибләп келиватқан болуп, бу әзәрбәйҗан һөкүмитиниң наразилиқини қозғап кәлмәктә иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.