Amérika bilen xitayning herbiy söhbiti eslige keldi

Lékin xitayning yuqiri derijilik bir herbiy emeldari amérika - xitay herbiy alaqisining " musheqqetlik bir dewrde" turuwatqanliqini tekitligen. Xitay 2008 ‏ - yili 10 ‏ - ayda amérikining teywen'ge 5.6 Milyard dollarliq qoral - yaraq sétip bérish qararidin kéyin, amérika bilen bolghan herbiy söhbetni tonglatqan idi.

Jüme künki söhbet xitayning teklipige bina'en eslige kelgen bolup, söhbet amérika mu'awin yardemchi dölet mudapi'e ministiri deywid sédniy bilen xitay dölet mudapi'e ministirliki tashqi ishlar idarisining bashliqi chyen lixu'a arisida ötküzülgen. Chyen lixu'a shinxu'a agéntliqi bergen bu heqtiki bayanatida " junggo - amérika herbiy munasiwiti yenila musheqqetlik bir dewrde turiwatidu. Biz amérika terepning herbiy alaqimizni ilgiri sürüsh we tereqqi qildurushta konkrét tedbirlerni élishini kütimiz,"dégen.

Chyen lixu'a amérikining qandaq konkrét tedbirlerni élish kéreklikini ashkare otturigha qoymighan bolsimu, lékin közetküchiler xitay herbiy da'iriliri amérikining teywen'ge qoral - yaraq sétip bérishidin bi'aram boliwatqanliqini bildürmekte.

Amérika teywen'ge sétip bérishni qarar qilghan 5. 6 Milyard dollarliq qoral - yaraqning bir qisimi amérikining "apachi" belgilik tik uchar we " wetenperwer" namliq bashqurulidighan bombilirini öz ichige alghan idi. Amérika bolsa xitay herbiy tereqqiyat pilanining ochuq - ashkare emesliki, xitayning herbiy tereqqiyat niyiti kishini guman'gha salidighanliqini bildürmekte.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar