Америка һәрбий мулазимәт комитети хитайда ишләнгән сахта малларни тәкшүриду

Ройтрс агентлиқиниң баян қилишичә, америка кеңәш палатасиниң һәрбий мулазимәт комитети түнүгүнки баянатида, хитайда ишләнгән сахта малларниң америкиниң қорал вә башқа електр әслиһәлири системисиға кирип қалғанлиқи мәсилисини тәкшүрүш ишиға, хитайниң дәрһал һәмкарлишиши лазимлиқини көрсәтти.
Мухбиримиз вәли
2011.06.15

Америкиниң қорал-ярақ вә електр әслиһәлири системисиға хитайда ишләнгән сахта маллар кирип қалған, бундақ сахта малларниң шенҗендин киргәнлики ениқ. Әмма хитай бу мәсилини ениқлаш үчүн баридиған америкиниң тәкшүргүчи хадимлириға виза беришни рәт қилған.

Хитайниң америкида турушлуқ баш әлчиханисиниң баянатчиси ваң бавдуң, бу қанун мәсилиси, бундақ рәсмийәтни беҗириш үчүн давамлиқ алақилишип туруш керәк, дәп сәвәб көрсәткән.

Хәвәрдә ейтилишичә, америка кеңәш палатаси әзаси, 2008‏-йилидики омум сайламда президент кандидатлиқиға көрситилгән җоһн мәкәйн түнүгүн, бу мәсилисини дәрһал тәкшүрүп бир тәрәп қилиш керәк дәп тәкитлигән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.