Amérika herbiy mulazimet komitéti xitayda ishlen'gen saxta mallarni tekshüridu
Roytrs agéntliqining bayan qilishiche, amérika kéngesh palatasining herbiy mulazimet komitéti tünügünki bayanatida, xitayda ishlen'gen saxta mallarning amérikining qoral we bashqa éléktr esliheliri sistémisigha kirip qalghanliqi mesilisini tekshürüsh ishigha, xitayning derhal hemkarlishishi lazimliqini körsetti.
-
Muxbirimiz weli
2011-06-15 -
-
-
Amérikining qoral-yaraq we éléktr esliheliri sistémisigha xitayda ishlen'gen saxta mallar kirip qalghan, bundaq saxta mallarning shénjéndin kirgenliki éniq. Emma xitay bu mesilini éniqlash üchün baridighan amérikining tekshürgüchi xadimlirigha wiza bérishni ret qilghan.
Xitayning amérikida turushluq bash elchixanisining bayanatchisi wang bawdung, bu qanun mesilisi, bundaq resmiyetni béjirish üchün dawamliq alaqiliship turush kérek, dep seweb körsetken.
Xewerde éytilishiche, amérika kéngesh palatasi ezasi, 2008-yilidiki omum saylamda prézidént kandidatliqigha körsitilgen john mekeyn tünügün, bu mesilisini derhal tekshürüp bir terep qilish kérek dep tekitligen.