Kandiliza rayis hindistandin amérikining qandaq yardem bérishi heqqide pikir aldi

Yawropada ziyarette boluwatqan amérika tashqi ishlar ministiri kandiliza rays xanim bügün hindistan'gha kelgende, minglighan adem hindistan bayriqini kötürüp, bombayda térrorchilar teripidin öltürülgen biguna kishilerge matem tutup, ghezep ipadilewatqanliqini kördi.
Muxbirimiz weli
2008-12-03
Share

Birleshme agéntliqining bügün yéngi déhlidin bayan qilishiche, rays xanim bügün hindistan da'iriliridin, bombay weqesidin kéyin amérikining hindistan'gha qandaq yardem bérish lazimliqi heqqide pikir aldi. Shundaqla yene, pakistan da'irilirini bombay weqesige da'ir mesililerde hindistan bilen tuluq we uchuq - yuruq halda yardemlishishke chaqirdi.

Xewerde éytilishiche, hindistan da'iriliri, eger pakistan bombay weqesidiki jawabkarliqidin bash tartsa, bu ikki dölet otturisida besh yildin buyan dawamlishiwatqan tinchliq buzulushi mumkinlikini ipadiligen.

Pakistan prézidénti asip eli zardari tünügün s n n téléwiziyisining ziyaritini qobul qilghanda, hindistanning bombay weqesini keltürüp chiqarghan kishilerning hemmisi pakistanliq dep bayan qilghanliqi heqqide toxtulup, 'hindistan bizge bu kishilerning pakistanliq ikenliki heqqide héchqandaq éniq delil körsetmidi, men bu kishilerning pakistanliq ikenlikidin gumanlinimen' dégen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet