Amérikining iqtisadi krizisi asiya paychéki bazirini zor zerbige uchratmaqta

Düshenbe küni amérika pul - mu'amile sahesidiki krizisqa qarshi700 milyard dollarliq qutquzush pilani ret qilin'ghandin kéyin, tünügün hemde bügün xelqara paychek bazirida zor dawalghush peyda boldi.
Muxbirimiz gülchéhre
2008.09.30

Bügün, bolupmu asiya bazirida zor töwenlesh yüz bergen bolup, kyoto paychéki bazirida düshenbe künige qarighanda %4 töwenlesh körülgen. Bu, mezkur paychek bazirining tarixidiki üch yildin buyanqi eng zor töwenlesh bolup hésablinidu. Teywen paychek bazirining töwenlishimu %3.5 Ke yetken.

Iqtisadshunaslar amérika iqtisadi krizisining asiyagha téximu zor tesir körsitidighanliqini ilgiri sürmekte. Amérika awazining bu heqte xongkongdiki iqtisadshunas proféssor mayöning sözidin neqil élip körsitishiche, " asiyaning asasliq ékisport baziri amérikini asas qilghan.

Egerde amérikining paychek bazirida töwenlesh körülse, iqtisadidimu chékinish körülidu, bu öz nöwitide amérikining asiya bazirigha bolghan éhtiyajinimu töwenlitidu, shuning bilen asiya iqtisadi zor zerbige uchrishi muqerrer."

Mayöning tekitlishiche, amérika pul - mu'amile baziridiki kirzis xitaygha buningdin on yil ilgiri asiya pul mu'amile bazirining élip kelgen tesiridinmu küchlük bolup, xitayning bu ötkeldin ötishi teske toxtaydu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.