700 Милярт долларлиқ америка пул муамилә базирини қутқузуш пиланини мақуллиғанлиқи, дуня миқясида қизғин қарши елинди

Президент җорҗ буш һөкүмити оттуриға қойған 700 милярт долларлиқ америка бул муамилә базирини қутқузуш пиланиниң америка дөләт мәҗлиси авам палатаси тәрипидин мақулланғанлиқи, дуня дөләтлири тәрипидин қизғин қарши елинди.
Мухбиримиз өмәр қанат
2008-10-04
Share

Нурғунлиған дөләт рәһбәрлири, америка дөләт мәҗлиси авам палатасиниң мәзкур пиланни қобул қилғанлиқини, мәсулийәтчан вә керәклик бир һәрикәт дәп көрсәтти.

Җорҗ буш һөкүмити оттуриға қойған америка пул муамилә базирини қутқузуш пиланиниң америка авам палатаси тәрипидин қобул қилинғанлиқидин хурсән икәнликини билдүргән франсийә сода минситири кристян лагарди, "бу қобул қилинишқа тегишлик бир тәдбир иди" дегән.

Яврупа иттипақи комитетиниң башлиқи бароса, америка дөләт мәҗлиси әзалири буш һөкүмитиниң қутқузуш пиланини қобул қилиш арқилиқ өзлириниң мәсулийәтчанлиқини көрсәтти" деди.

Америка пул муамилә базирини қутқузуш пиланиниң дөләт мәҗлисидә қобул қилинғанлиқини қизғин қарши алидиғанлиқини билдүргән хитай хәлқ банкисиниң баянатчиси, дуня пул муамилә базирини турақлаштурушта хитай вә америка ортақ мәнпиәткә игә деди.

Америка дөләт мәҗлиси авам палатаси буш һөкүмитиниң 700 милярт долларлиқ қутқузуш пиланини җүмә күни елип берилған кәскин муназириләрдин қобул қилған.

Бу арида яврупа иттипақи әза дөләтләрниң рәһбәрлири шәнбә күни дуня пул муамилә кризисини бир тәрәп қилиш үчүн елинидиған тәдбирләрни музакирә қилиш мәқситидә париҗда алий дәриҗилик бир йиғин башлиди. Франсийә президенти саркозий яврупа иттипақи пул муамилә базирида мәвҗут кризисни бир тәрәп қилиш үчүн җидди тәдбир елиши керәк дәп көрсәтти.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт