Президент обама: хитай америкиниң “риқабәтчиси” вә шундақла “йошурун шерики” дәп көрсәтти

Америка демократлар президент намзати барак обама билән җумһурийәтчиләр намзати мит ромней, сәйшәнбә күни кәчтә 3‏-қетим бәс-муназирә елип берип, оттура шәрқ, әрәб баһари, иран мәсилиси, исраилийә, хитай қатарлиқ дөләтләр билән болған мунасивәтни талаш-тартиш қилди.
Мухбиримиз әркин
2012-10-23
Share

Президент обаманиң илгири сүрүшичә, террорлуқ америка бихәтәрликигә тәһдит пәйда қилидиған әң муһим амил. У хитай һәққидә тохтилип, хитай америкиниң йошурун шерики болуш билән биргә, униң риқабәтчиси икәнликини билдүрди.

Бирақ мит ромнейниң илгири сүрүшичә, ядро қораллириға игә иран америка бихәтәрликигә тәһдит пәйда қилидиған әң чоң амилдур.

Хитай мәсилиси муназириниң әң ахирида талаш-тартиш қилинған болуп, пүткүл бәс-муназирә нуқтилиқ оттура шәрқ мәсилисигә мәркәзләшкән. Ромней хитайни “пул курсини контрол қилидиған дөләт” дәп тәнқид қилип, президентлиққа олтурған 1‏-күни, “пул курсини контрол қилидиған дөләт” дәп елан қилидиғанлиқини билдүрди.

Президент обама: ромней мени хитайға бәк қаттиқ қол болуп кәттиң, дәп тәнқид қиливатиду, деди.

Түнүгүнки муназиридә румней хитайни бир аз юмшақ сөзләрни ишлитип тәнқид қилған. Көзәткүчиләрниң илгири сүрүшичә, бу румней сайланған тәқдирдиму, америка-хитай мунасивитидә ачқучлуқ өзгириш болмайдиғанлиқи, сода, кишилик һоқуқ қатарлиқ мәсилиләрдики ихтилап давамлишидиғанлиқидин дерәк беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт